Îsraîl: Em naxwazin li dijîl Hîzbûllahê şer bikin

Wezîrê Parastinê yê Îsraîlê Yoav Gallant, bi daxuyaniyekê ragihand ku ew naxwazin li dijî Hîzbûllahê şer bikin, lê belê li hemberî vê îhtîmalê ew amade ne.

30 hezîran, 2024 15:16

NAVENDA NÛÇEYAN

Wezîrê Parastinê yê Îsraîlê Yoav Gallant, piştî serdana Bakurê Îsraîlê û civîna Desteya Wezaretan bi rojekê daxuyaniyek da û got, “Em naxwazin li dijî Hîzbûllahê şer bikin.” Di civîna Desteya Wezaretan de partiya Otzma Yahûdît ku rastgirên tund in ji bo şerê li dijî Lubnanê bidin destpêkirin gelek israr kiribûn.

Gallant got “Mirov dikare her tim çareseriyên dîplomatîk tercîh bike” û wiha domand, “Eger Hîzbûllah şer hilbijêre, em jî dizanin ku çawan tevbigerin. Lê eger rêya lihevkirinê hilbijêre, em ê jî bersiva vê yekê bidin.”

Gallant, ji bo mirovên li bakur axivî û got, "Ez dizanim ev yek ji bo we ne hêsan e, lê belê ji bo Hîzbûllah û Lubnanê zehmettir e. Ji sitargehan daxuyanî dayîn hêsan e helbet (Mebest serokê Hîzbûllah Hasan Nasrallah e).”

Li herêmê bombebaran bênavber didomin. Hîzbûllahê, da xuyakirin ku du şervanên wê yên din jî li başûrê Lubnanê mirine.