Însiyatîfa Rêber Abdullah Ocalan serdana welatparêzên kevin dike
Însiyatîfa Azadiyê Rêber Abdullah Ocalan a Sûriyeyê dest bi serdana malbatên welatparêzên kevin kir. Malbatan li dijî sîstema îşkence û qirkirinê helwestên xwe nîşan dan.
Di çarçoveya pêngava "Ji Rêber Abdullah Ocalan re Azadî, ji pirsgirêka Kurd re çareserî" de, Însiyatîfa Azadiya Rêber Abdullah Ocalan a Sûriyeyê, piştî serdanan partiyên siyasî, rûspiyên civaka Ereb, meclis û dêrên Ermenî, Suryanî û Asuriyan, îro dest bi serdana welatparêzên kevin li ser asta Bakur û Rojhilatê Sûriyeyê kir.
Endamên insiyatîfê serdana malbatên li taxa Cûdî yên li bajarê Qamişlo kirin. Di civatên li gel malbatan re ji wan re rewşa sîstema îşkence û qirkirina li dijî Rêber Abdullah Ocalan şîrovekirin.
`HEVDÎTINA BI RÊBER OCALAN ŞENSEK BÛ`
Hediye Mûsa ku sala 1994`an li Lubnanê Rêber Abdullah Ocalan dîtiye, dîtina xwe jê re bi şensekê pênase kir û da zanîn ku hebûna ramanên Rêber Abdullah Ocalan ji bo gel rêya azadiya xwe bibînin û ji bo çareserkirina pirsgirêkên cîhanê derfeteke.
Di berdewamiya axaftina xwe de Hediya Mûsa ev tişt anî ziman: “Em çi bikin jî em deyndarê Rêber Apo ne, ji bo pêkanîna azadiya fîzîkî ya Rêber Abdullah Ocalan çi ji me were xwestin bê dudilî em ê pêk bînin.”
Ebdilwahid Ebdo Mûsa ku di 1993`an de li Lubnanê bi Rêber Abdullah Ocalan hevdîtin pêk aniye bal kişand ser sîstema îşkence û qirkirinê û got: “Îşkenceya ku dewleta Tirk li dijî Rêbertî dimeşîne, îşkenceya li ser tevahî mirovahiyê ye. Azadiya fizîkî ya Rêbertî azadiya hemû kesên bindest û gelê di cîhanê de ye.”
Ebdilbaqî Osê ku ew jî di sala 1995`an de Rêber Abdullah Ocalan li Şamê dîtiye, da xuyakirin Rêber Abdullah Ocalan ku ew ê dest ji xeta ku Rêber Abdullah Ocalan ji bo wan daye bernedin.
Endamên Înîsiyatîfê di serdanên xwe de birûşurên "Jiyana Rêber Abdullah Ocalan" û xêzeromana ku jiyana Rêber Abdullah Ocalan vedibêje ya bi navê “Azadî wê bi ser keve” diyarî malbatan kirin.
Sibe jî inîsiyatîfa serdanên xwe ji bo malbatan didomîne.
(sş)
ANHA