Hunera wê jê re bûye çavkaniya debarê

Li hemberî rewşa aborî ya dijwar, xebatên jinan derdikevin pêşin. Gelek jin bi hunera xwe hem debara xwe û ya malbata xwe dikin û hem jî hunera xwe nîşan didin. 

Jina ciwan a bi navê Rezan Delê ji bajarê Humisê ye, ji zarokatiya xwe ve ji karê hunera destan hez kir û hewl da xwe bi pêş bixe.

Rezanê peymangeha hunerî xwendiye. Piştre beşa baxçeyê zarokan jî xwend. Rezan bi demê fêrî wênexêzî û çêkirina cil û bergan jî dibe, hunerên xwe di pêşangehên li Humisê de nîşan dide.

Rezanê ku cîhana zarokan wekî bingeha huner û afirîneriyê hilbijartiye, xwe ji çarçoveya hunera klasîk dûr xistiye. Rezan karakterên kartonî diafirîne û bi rêya wê rêbazên nû pêşkêş dike.

Rezan dewreyên perwerdeyê yên hunerî li navendê vedike. Her wiha kargehên çêkirina hunerên wekî gul, werîs, tentene û wêneyan bi rêxistin dike. Di hunera xwe de caw û berhemên xwezayî bi kar tîne.

Rezan diyar dike ku armanca wê ew e ku cihekî daîmî ji bo bazarkirina hunera xwe diyar dike. Her wiha dixwaze bi rêya atolyeyan û dewreyên perwerdeyê yên di navenda çandî de çanda hunerên destan biparêze û nirxa wan a perwerdeyê bi pêş bixe.

(bb)

ANHA