Heyva Sor ji bo mexdûrên şer ên Lubnanê alîkariyan kom dike

Di encama şerê dijwar ê ji 23ˈyê Îlonê yê di navbera Hizbullah û artêşa Îsraîlê de bi hezaran kes ji warê xwe bûne.

Nûnertiya Rêveberiya Xweseriya Demokratîk a li Lubnanê ji bo kesên dixwazin ji Lubnanê werin Herêma Bakur û Rojhilatê Sûriyeyê komîte avakirin. Komîteya nûnertiyê bi hevkariya Komela Çanda Civakî ya Newroz vegera wan kesan hêsan dike.

Rêveberiya Xweseriya Demokratîk a Herêma Bakur û Rojhilatê Sûriyeyê bi rêya maseya kîrzê ya ku ava kiriye, pêşwaziya kesên ji Lubnanê tên herêmê dike û pêwîstiyên wan bi cih tîne. Di heman demê de Heyv Sor a Kurd jî kampanyeke komkirina alîkariyan da destpêkirin.

Li gorî maseya krîzê, heya niha 58 Lubnanî jî di nav de zêdetirî 18 kes hatine Herêma Bakur û Rojhilatê Sûriyeyê.

Hevya Sor a Kurd ku li gelek bajaran konên komkirina alîkariyan vedane,  îro li bajarê Hesekê 2 konên komkirina alîkariyan vedane. Kon li taxê Til Hecer nêzî çerxerêya Kenîse (Dêr) û taxa Miftî nêzî Navenda Çand û Hunerê ya Xabûr hatine vedan.

Endamê Hevya Sor a Kurd Xelîl Silêman bi rêya ajansa me bang li şêniyan kir ku alîkariyan pêşkêşî kesên ji Lubnanê tên, bikin.

(bb)

ANHA