Her du damezrînerên PKK’ê şehîd Alî Haydar û Riza li gelek bajaran hatin bibîranîn

Piştî ku PKK’ê di 12' Gulanê de di daxuyaniya kongreya 12’emîn de şehadeta kadroyên pêşeng Fûat- Alî Haydar Kaytan ku di 3’yê Tîrmeha 2018’an de û Riza Altûn ku di 25’ê Îlona 2019’an de şehîd bûne îlan kir, li  Bakûr û Rojhilatê Sûryeyê ji bo bîranìna her du damezînerên PKK'ê rêzeçalakî hatin lidarxistin.

QAMIŞLO

Meclisa Malbatên Şehîdan a Qamişlo ji bo her du şehîdên pêşeng Alî Haydar Kayatan û Riza Altûn merasîma sersaxiyê li da rxist.

Bi hezaran xelkê bajarên Qamişlo, Til Hemîs, Amûdê, Tirbespiyê, koçerên Efrîn û Şehba berê xwe da Stadyûma Şehîdên 12’ê Adarê ya Qamişlo û tev li merasîma sersaxiyê bûn. Şêniyan wêneyên her du şehîdan û wêneyê endamê Şandeya DEM Partiyê Sirrî Surreya Onder û wêneyên Rêber Abdullah Ocalan hildan.

Destpêka merasîmê peyama Rêber Abdullah Ocalan a ji bo her du şehîdan Alî Haydar Kaytan û Riza Altûn bi Erebî û Kurdî hatin xwendin.

Dûre endamê Meclisa Malbatên Şehîdan Emar Mûsa axivî  û got: "Her du têkoşerên Kurdistanê 52 sal di tevgera azadiya Kurdistanê de tê koşiyan û li tevahî Kurdistanê geriyan. Em fedakariyên her du pêşengan silav dikin û tevahî şehîdan bi bîr tînin."

Mûsa wiha domand: "Pêvajoya heyî pêvajoya Rêber Apo ye. Rêber Apo di vê pêvajoyê de gelê xwe gihand asta demokrasiyê. Bêyî hebûna Rêber Apo hebûna me nîn e. Ev destkeftiyên li Rojavayê Kurdistanê li gorî paradîgmaya Rêbertî bûn û ew ji bo hemû bindestan in. Em moralê xwe bilind bikin. Ev ji bo gelê Kurd ku bi Rêber Apo re be derfeteke dîrokî ye."

Piştre endama Koordînasyona Kongra Star Elîf Hemo axivî  û got: "Kongreya PKK’ê ji bo her du têkoşerên şoreşger ên PKK’ê, Alî Haydar Kaytan û Riza Altûn diyariyek bû, ku wan wefadariya rastîn bi Rêber Apo re îsbat kir."

Elîf Hemo wiha domand: "PKK’ê sala xwe ya têkoşînê ya 52’yan temam kir, têkoşîneke mezin bi berdêleke giran da. Bi saya hezaran lehengên şehîd bûne, bû sembola rih, felsefe û rastiyê. Divê em hêza xwe xurt bikin, ji ber rastî di hemû deman de heye û zindî ye. Dijmin li pêş vîn û hêza gel têk çû. Dewleta Tirk a dagirker li pêş vîna Rêber Apo ket. Banga Rêber Apo ji bo gelê Kurdistanê li Rojhilata Navîn û gelên demokrat e, vê bangê li kêlek gelê Kurdistanê pratîze bikin."

Dûre sînevîzyonek li ser jiyana her du şehîdan û têkoşîna wan hat pêşkêşkirin.

Merasîm bi diruşmên "şehîd namirin" û"Bijî Serok Apo" bi dawî bû.

HELEB

Bi hezaran xelkê bajarê Helebê tev li merasîma bibîranîna her du şehîdan Alî Haydar Kaytan û Riza Altûn bûn. Meclisa Malbatên Şehîdan a Helebê li Qada Şehîdan a taxa Şêxmeqsûdê merasîm li dar xist.

Di merasîmê de peyama Rêber Abdullah Ocalan a li ser her du şehîdan ji hêla rêvebera Radyoya Şehba FM Ronahî Yûsiv ve hat xwendin.

Dûre li ser têkoşîna dirêj û bêwestan a her du şehîdan Alî Haydar Kaytan û Riza Altûn sînevîzyonek hat pêşkêşkirin.

Merasîm bi silavkirina fedakariyên şehîdan û Rêber Abdullah Ocalan bi dawî bû.

HESEKÊ

Piştî ku PKK’ê di 12' Gulanê de di daxuyaniya kongreya 12’emîn de şehadeta kadroyên pêşeng Fûat- Alî Haydar Kaytan ku di 3’yê Tîrmeha 2018’an de û Riza Altûn ku di 25’ê Îlona 2019’an de şehîd bûne îlan kir, li  Bakûr û Rojhilatê Sûryeyê ji bo bîranìna her du damezînerên PKK'ê rêzeçalakî hatin lidarxistin.

Meclisa Malbatên Şehîdan û Partiya Yekitiya Demokratîk (PYD) ya bajarê Hesekê ji bo şehadeta damezirînerên PKK'ê  Alî Haydar Kaytan û Riza Altûn merasîmeke biheybet  li dar xist.

Endamê sazî û dezgehên Rêveberiya Xweser, Saziyên Civaka Sivîl, meclisên leşkerî, partiyên siyasî û bi sedan pêkhateyên bajar û bajarokên Hol, Şedadê, Til Temir, Til Birak, Dirbêsiyê û Hesekê tev lî merasîmê bûn.

Di merasîmê de wêneyên Rêber Abdullah Ocalan, Alî Haydar Kaytan û Riza Altûn hatin bilindkirin û gelek caran dirûşmeyên “Bijî Serok Apo” û "Şehîd Namirin" hatin berzkirin.

Merasîm bi deqeyek rêzgirtin û bi xwendina peyama Rêber Abdullah Ocalan a ji bo şahadeta Fûat- Alî Haydar Kaytan û Riza Altûn dest pê kir.

Endama Desteya Serokatiya PYD'ê Foza Yûsif di merasîmê de axivî.

Foza di axaftina xwe de behsa kesayet û têkoşîna Alî Haydar Kaytan û Riza Altûn kir.

Foza got: “Di meşa azadiyê de li kêleka Rêber Apo heya dawî bi biryardiyariyeke xurt tev lî bûn. Heval Fûat li gelek bajarên Kurdistanê gund bi gund xebatê rêxistinê meşand. Ti carî ferq nedikir di nav kar de û hevaltiya herî rast bi Rêber Apo re kir. Di bajaran de, di zîndanê Ewropa de, li serê çiyayan wek çinarekê têkoşîna gelê xwe meşand. Rexmê temenê wî mezin bû jî bi coşeke ciwanî heval perwerde dikirin û xebat dimeşand.”

Foza di berdewama axaftina xwe de gotina Rêber Apo ya ji bo şehîd Alî Haydar Kaytan "herî baş ew dikare min îfade bike" bi bîr xist û destnîşan kir ku bi fedakrî û cesareteke mezin pêşengî kir.

Foza qala Riza Altûn jî kir û da zanîn ku bi Mazlûm, Kemal û Xeyrîyan re di koma destpêkê de meşa xwe bi Rêber Apo re meşand. Di zîndanan de li ber xwe da. Li çiyayên Kurdistanê û li Ewropa di xebatên dîplomasî de bi fikrê xwe yê pêşketî analîzên xurt ên siyasî dikir. Hemû zehmetiyên çiyayên Kurdistanê jiyan kir, lê tu carî gav bi paş de neavêt.

Foza di dawiya axaftina xwe de bi girîngî destnîşan kir ku ger îro di Rojhilata Navîn û cîhanê de ew bi saya her du hevalên pêşeng bûne hêz û diyar kir ku di şexsê heval Alî Haydar Kaytan û Riza Altûn de li hember şehîdan soza bilindkirina têkoşînê da.

Piştî axaftinan ji bo bîranîna Alî Haydar Kaytan û Riza Altûn mûm hatin pêxistin û der barê jiyan û têkoşîna her du damezîrînerên PKK’ê de sînevîzyon hat temaşekirin.

(ekîb/fr)

ANHA