Gelê Reqayê piştgirî da Şêxmeqsûd û Eşrefiyê

Gelê Reqayê bi xwepêşandanek girseyî êrişên komên çete yên dewleta Tirk ên di nav hêzên hikumeta demkî de li dijî taxên Helebê şemrezar kirin û piştgirî da gelê wan taxan.

ROJANE

8 ÇILE, 2026 16:07

REQA

Bi sedan gelê Reqa, saziyên sivîl û leşkerî, Meclisa Rêveber a Reqayê, nûnerên Rêveberiya Xweseriya Demokratîk a Herêma Bakur û Rojhilatê Sûriyeyê, partiyên siyasî, Hêzên Ewlekariya Hundirîn li pêş Hola Mişwar a Reqayê kom bûn û êrişên li dijî taxên Şêxmeqsûd, Eşrefiyê û Benî Zêd ên Helebê şermezar kirin.

Girse ber bi Çerxerêya Panorama ve ketin rê û diruşmên silavkirina berxwedanê û şermezarkirina êrişan berz kirin.

Li çerxerêyê, cîgirê Hevserokatiya Meclisa Rêveber a Rêveberiya Xweser a Herêma Bakur û Rojhilatê Sûriyeyê Hemdan El Ebid, Hevserokê Meclisa Rêveber a kantona Reqayê Meşleb El Turkan, endama Nivîsgeha Perwerdê ya Kombûna Jinan a Zenûbiya Foza El Ehmed axivîn.

Axêveran êrişên li dijî sivîlan şermezar kirin û bang li civata navneteweyî û cîhanê kir ku van êrişan bi dawî bikin û xîtabê hikumeta demkî kir ku hûn van sivîlan û rewşa mirovahî nabînin, gel ji Efrînê koçberî Şehbayê bû, carek din ji Şehbayê koçber bû, ma çi gunehê wan heye.

(fr)

ANHA