‘Fikrên Rêber Abdullah Ocalan hezkirin di nav gelan de çand’

Pêkhateyên bajarê Dêrikê destnîşan kir ku fikrên Rêber Abdullah Ocalan di nav gelan de hezkirin çand, ji ber ku ew fikir daxwaza aştiyê dikin.

3 adar, 2025 02:35

QAMIŞLO

KELSÛMA ELÎ

Pêkhateyên bajarê Dêrikê yê kantona Cizîrê destnîşan kir ku bi saya fikrên Rêber Abdullah Ocalan aramî, demokrasî, biratiya gelan û jiyana hevbeş li herêmê pêk hat.

Girêdayî wê, welatiyê bi navê Mihemed Ebdurehman got: "Pêkhateyên herêmê, bi rêya fikra Rêber Abdullah Ocalan a têkildarî pêvajoya aştiyê, encamên girîng ên têkildarî xurtkirina aştî û demokrasiyê di nav de gelan de bi dest xistin."

Ebdurehman wiha domand: “Bi têkoşîna xwe û girêdana bi fikrên Rêber Abdullah Ocalan ve, me biratiya gelan û jiyana hevbeş pêk anî. Em îro jî dibînin ku çawa pêkhateyên herêmê di hemû qadên leşkerî, siyasî û civakî de mil bi mil dixebitin"

Welatiya bi navê Raxîde Xelîl jî destnîşan kir ku bi saya fikrên Rêber Abdullah Ocalan jinan xwe bi pêş xist û pêşengtiya Şoreşa Bakur û Rojhilatê Sûriyeyê kir û got: “Jinan hêz û îradeya xwe ji fikrên Rêbertî wergirtin. Tevlêbûna jinan di hemû qadan de û pêkanîna rola xwe ya bingehîn bi saya têkoşîna wê ya li ser fikra Rêber Abdullah Ocalan e."

Welatiyê bi navê Elî Oryal diyar kir ku fikrên Rêber Abdullah Ocalan di nav gelan de hezarkirin xurt kir, ji ber wê jî divê ew fikir werin pêkanîn û got: “Feslefeya aştiyê ya Rêber Abdullah Ocalan wê bi ser bikeve."

(mh/fr)

ANHA