Festîvala Çanda Neteweya Demokratîk ruhê pirrengiya gelê herêmê nîşan da

Bi serpereştiya Desteya Çand û Hunerê ya Kantona Cizîrê û hevkariya Tevgera Mezopotamya ya Çand û Hunera Demokratîk, Festîvala Çanda Neteweya Demokratîk a 2ˊyemîn îro li Girê Mozan, ê rojhilatê Amûdê, bi dirûşmeya "Bi Pirrengiya Çandên me em ê Sûriyeyeke Demokratîk Ava Bikin", dest pê kir.

Komên hunerî û komên civakî yên civakên Kurd, Ereb, Suryanî û Ermenî-Asûrî tevlî festîvlê bûn.

Nûnerên ji civakên cûda yên li Bakur û Rojhilatê Sûriyeyê, nûnerên ol û baweriyên cûda, şandeyên ji Rêveberiya Xweser a Bakur û Rojhilatê Sûriyeyê, hunermend, rewşenbîr û xwendekarên dibistanê, beşdar bûn.

KONÊN CIVAKAN: BÎRDANKA ZINDÎ YA GELAN

Li qada festîvalê 4 kon hatin danîn, her yek ji wan çanda pêkhateykê nîşan dide. Her konek bûye pêşangehek zindî ya kelepûr, cilên kevneşopî, xwarinên gelerî û sembolên çandî yên pêkhateyan, û bi awayekî berbiçav nasnameya her koma civakî nîşan dide.

KONÊ EREBÎ:

Şêniyên Til Hemîs û Til Birakê bi konekî ku ji keja bizinan hatiye çêkirin beşdar bûn, rêûresmên mêvanperweriya Ereban, ji qehweya Erebî bigire heya tevna hirî, lêxistina rebabê û çêkirina xwarinên gelêrî, ku jiyana beyabanê nîşan dide.

KONÊ KURDÎ:

Di konê Kurdî de şêwazên jiyana kevneşopî ya Kurdan wekî cihên rûniştinê yên bi destan hatine çêkirin bigire heya cilên gelêrî û xwarina kevneşopî, hatiye nîşandan.

KONÊ ERMENÎ:

Li vî konî mîrata Ermenî bi rêya xwarin û vexwarinên gelêrî vexwarinên kevneşopî, neqşên destan, kelûpelên sifir û tabloyên ku nasnameya Ermenî nîşan didin, hat pêşandan.

Konê Suryanî:

Komeleya Çandî ya Suryanî xwarinên kevneşopî, karên hirî û kelûpelên sifir ên ku mîrata gelê Suryanî-Asûrî nîşan dide, pêşkêş kir.

Di nava çalakiyên festîvalê de, hunermend Welîd Murad û Roder Îbrahîm, endamên momîna wênesaziyê ya Tevgera Mezopotamyayê, 21 tabloyên şêwekarî nîşan dan.

Weşanxaneya Şilêr jî beşdar bû, û komeke berfireh a pirtûkên dîrokî, ramyarî, felsefî, muzîk û wêjeyî bi zimanên Kurdî -Erebî pêşkêş kir.

Hevserokê Meclîsa Rêveber a Kantona Cizîrê Hesen Şero di festîvalê de axivî. Şero festival pîroz kir û hemû civakên beşdar, Rêber Abdullah Ocalan û malbatên şehîdan silav kir

Şero wiha dewam kir, "Desthilatdaran her gav hewl dane ku çandên gelan ji holê rakin. Ev festîval ne tenê çalakiyeke, lê peyamek zelal e ji bo cîhanê ku li Bakur û Rojhilatê Sûriyeyê, mirov li gorî ol û çandên xwe bi azadî dijîn, hêzek yekgirtî û mînak ava dikin. "

Endama komîteya amadekar a festîalê Firyal Çolî jî behsa dîroka Girê Mozan kir û destnîşan kir ku delîlên herî kevn ên niştecihbûnê li vî cihê hatine dîtin, mirov ji dawiya hezarsala 6`mîn berî zayînê li vir niştecî bûne.

Festîval bi çalakiyên hunerî yên komên Kurd, Ereb, Suryanî û Ermenî berdewam dike.

Festîval îro bi dawî dibe.

Yekemîn Festîvala Çanda Neteweya Demokratîk di 10 û 11`ê Mijdara 2023`an de, bi dirûşmeya "Bi rihê Çanda Neteweya Demokratîk, em ê Bakur û Rojhilatê Sûriyeyê biparêzin û azadiya fîzîkî ya Rêber Abdullah Ocalan misoger dikin" hate lidrxistin.

(k)