Ehmed El Şeri peyam li NY'ê da

Serokê hikumeta veguhêz a Sûriyeyê Ehmed El Şeri di gera 80'emîn a Komeleya Giştî ya Neteweyên Yekbûyî (NY) de peyam da. Di peyamê de bal li ser serdema rejîma Baas û piştî wê hag kişandin.

El Şeri diyar kir ku Sûriye bûye derfeta aştî, aramî û geşiya herêmê.

El Şeri banga rakirina hemû cezayên li ser Sûriyeyê kir û diyar kir ku domandina cezayan ê Sûriye veguhêze amûra qeydkirina welatiyan.

El Şeri got ku hikumeta wî li ser dîplomasî û aramiyê radibe û pabendiya bi peymana agirbestê nîşan da, her wiha soza hesabxwestina ji hemû sûcdarên ku xwîn rijandine, da.

El Şeri di peyama xwe de wiha domand: "Siyasetên Îsraîlê ne li gorî helwesta navneteweyî ya erênî ya li hemberî Sûriyeyê ne. Îsraîl hewl dide qonaxa demkî ya veguhêz ji bo berjewendiyên xwe bi kar bîne û ev jî herêmê ber bi aloziyên bêdawî ve dibe."

Li hemberî wê, nûnerê Amerîkayê li Sûriyeyê Tomas Barrack got ku Şam û Til Avîv êdî ji peymana "agirbestê" ya bi navberkariya Amerîkayê nêzîk bûne. Li gorî peymanê êrişên Îsraîlê li dijî Sûriyeyê tên rawestandin û bicihkirina wesayît û çekên leşkerî yên giran ên Sûriyeyê li nêzîkî sînor tê qedexekirin.

(mh)