Di merasîmê sersaxiyê yê şehîd Ronî Welat de soza tolhildanê

Sersaxî ji malbata fermandar Ronî Welat hat xwestin. Di merasîmê sersaxiyê de soza tolhildanê hate dayîn.

Di merasîmê sersaxiyê yê şehîd Ronî Welat de soza tolhildanê
Di merasîmê sersaxiyê yê şehîd Ronî Welat de soza tolhildanê
Di merasîmê sersaxiyê yê şehîd Ronî Welat de soza tolhildanê
Di merasîmê sersaxiyê yê şehîd Ronî Welat de soza tolhildanê
Di merasîmê sersaxiyê yê şehîd Ronî Welat de soza tolhildanê
Di merasîmê sersaxiyê yê şehîd Ronî Welat de soza tolhildanê
Di merasîmê sersaxiyê yê şehîd Ronî Welat de soza tolhildanê
Di merasîmê sersaxiyê yê şehîd Ronî Welat de soza tolhildanê
Di merasîmê sersaxiyê yê şehîd Ronî Welat de soza tolhildanê
Di merasîmê sersaxiyê yê şehîd Ronî Welat de soza tolhildanê
Di merasîmê sersaxiyê yê şehîd Ronî Welat de soza tolhildanê
Di merasîmê sersaxiyê yê şehîd Ronî Welat de soza tolhildanê
Di merasîmê sersaxiyê yê şehîd Ronî Welat de soza tolhildanê
Di merasîmê sersaxiyê yê şehîd Ronî Welat de soza tolhildanê
9 kanûn 2023   17:07
QAMIŞLO

Şêniyên bajar û gundewarê Qamişloyê, nûnerên saziyên Rêveberiya Xweser, hêzên leşkerî, saziyên civaka sivîl, partiyên siyasî û şêx û rûspiyên eşîran sersaxî ji malbata endamê Fermandariya QSD′ê şehîd Ronî Welat (Şêrwan Hesen) re xwest. Konê sersaxiyê li ber mala şehîd a li taxa Xanîka ya li bajarê Qamişloyê hat vedan.

Di bin kon de endamê Meclisa Malbatên Şehîdan Mihyedîn Hesen sersaxî ji malbata şehîd re xwest û got: "Gelê me yê welatparêz bi hemû pêkhateyên xwe helwesteke dîrokî li hemberî dijmin nîşan da. Em ê şopdarên xeta şehîdan bin. Plan û êrişên dewleta Tirk a dagirker nikarin îradeya me bişkîne."

Di merasîmê de endamê Însiyatîfa Sûriyeyê ya Azadiya Rêber Abdullah Ocalan û xalê şehîd Silêman Îsa axivî û got, ′′Dilsoziya bi şehîdan û Rêber Abdullah Ocalan re wê bi xebat û xurtkirina têkoşînê be ta azadiya wî ya fîzîkî pêk were û destkeftiyên ku bi keda şehîdan hatin bidestxistin werin parastin.′′

Ji fermandarên Meclisa Leşkerî ya Qamişloyê Nezîr Sofî jî got, her şehadetek îsrar û baweriya wan a bi serkeftinî zêdetir dike û wiha dawî li axaftina xwe anî : "Ji me tê xwestin li derdorê nirxê şehîdan kom bibin, xeta wan bişopînin û tola wan hilînin."

Her wiha endama Koordînasyona Kongra Star a Bakur û Rojhilatê Sûriyeyê Şîraz Hemo axivî û got, dê têkoşîna bi pêşengiya jinan bidomînin û jiyaneke azad mîsoger bikin.

Di merasîmê de cîgirê hevserokatiya Meclisa Rêveberiya Xweser a Herêma Cizîrê Mihemed Berak got, şehîd Ronî mîraseke mezin a têkoşînê hişt û ji Dêrikê heta Dêrazor, Minbic û Kobanê tê koşiya. El Berak soza şopandina rêya şehîdan da.

Bavê şehîd Ronî, Hisên Hesen jî got: "Divê em wefedarê şehîdan bin û tolê ji xayîn û sîxuran hilînin."

Piştre zaroka bi navê Lava Xanîka helbestek li ser şehîd Ronî Welat xwend.

Di dawiyê de wesîqeya şehîd hat xwendin û dirûşmên "Şehîd Namirin" hatin berzkirin.

(bb)

ANHA