Di merasîma fermandarê QSD`ê şehîd Şiblî de soza tolhildanê
Beşdarên merasîma oxirkirina cenazeyê fermandarê QSD′ê şehîd Şiblî Şiblî soza tolhildanê li dijî şerê qirkirinê ku artêşa Tirk a dagirker li dijî pêkhateyên Bakur û Rojhilatê Sûriyeyê pêk tîn, da.
Bi hezaran xelkê Bakur û Rojhilatê Sûriyeyê, nûnerên Rêveberiya Xweser a Bakur û Rojhilatê Sûriyeyê û Herêma Cizîrê, partiyên siyasî, QSD′ê û meclisên di bin bana wê de, rûspiyn eşîrên Kurd, Ereb û Suryan, dayikên şehîdan, tevger û rêxistinên jin û ciwanan li pêş nexweşxaneya Dêrikê kom bûn ku cenazeyê şehîd Şiblî Şiblî wergirin û li Goristana Şehîd Xebat Dêrik veşêrin.
Fermandarê QSD′ê Şiblî Şiblî di 27′ê Cotmehê de di encama bombebaran dewleta Tirk a dagirker li dijî mala wî ya li Dêrikê de şehîd bûbû.
Girseya gel li kolanên sereke yên Dêrikê geriyan û wêneyên şehîdên malbata Şiblî, wêneyên Ferhad Dêrik (Hisên Şiblî) jî hatin hildan.
Li goristanê, beşdaran diruşên silavkirina berxwedana şehîdan bilind kirin.
Di merasîmê de endama rêveberiya Meclisa Jin a Malbatên Şehîdan a Bakur û Rojhilatê Sûriyeyê Cewahir Îbrahîm axivî û got: "Malbeta Şehîd Şiblî modela malbatên welatparêz e ku sozên xwe yên pêkanîna armancên şehîdan nû kirin."
Cewahir bal kişand ser siyasetên qirkirinê ku dewleta Tirk a dagirker li dijî gelê herêmê pêk tîne û wiha anî ziman: "Hevgirtina me ji dijmin û dagirkeran re peyamek e ku em bi rêça şehîdan ve girêdayî ne."
Li aliyekî din jî endamê Kongreya Îslama Demokratîk a Bakur û Rojhilatê Sûriyeyê Mahsûm Dêrşewî jî wiha got: "Erdogan bi navê ola îslamê bang dike, lê durûtiyê dike, li dijî gel û zarokên me komkujiyan pêk tîne. Bila tevahî cîhan bizane em xwediyên mafê ne û em ê rêça şehîdan xwe dewam bikin."
Yek ji fermandarên QSD′ê Xêredîn Xêrkî jî got şehîd Şiblî beşdarî gelek hemleyên li dijî çeteyên DAIŞ′ê û artêşa Tirk a dagirker û çeteyên wê bûye, lê ruxmî gelek caran birîndar bûye, lê bi xurtî têkoşî û li ber xwe da.
Xêrkî got ew ê bi bilindkirina têkoşînê heta pêkanîna armancên şehîdan tola wan hildin.
Dayika şehîd Şiblî, Xana Sedon tevahî beşdar silav kir û got: "Em heta dawiyê bi parastina destkeftiyên Şoreşa Bakur û Rojhilatê Sûriyeyê pabend in û berdêl çi be jî em li dora têkoşîn û berxwedana şehîdan dicivin."
Di dawiyê de wesîqeya şehîd hate xwendin û radestî malbatê hate kirin û bi diruşmên ′şehîd namirin′ cenazeyê şehîd hate veşartin.
(fr)
ANHA