Di êvara cejnê de mûm li ser gorên şehîdan hatin pêxistin û kulîlk hatin danîn

Di êvara Cejna Qurbanê de gelê Bakur û Rojhilatê Sûriyeyê li ber gorên şehîdan mûm pêxistin û kulîlk danîn.

ROJANE

5 hezîran, 2025 21:01

NAVENDA NÛÇEYAN

Di êvara Cejna Qurbanê de bi hezaran gelê Herêma Bakur û Rojhilatê Sûriyeyê, ji bo bîranîna şehîdên xwe û nîşandana serbilindiyê ji bo fedakariyan wan, serdana goristanên şehîdan kirin. Şêniyan li ber gorên şehîdan mûm pêxistin û kulîlk danîn. Ev dîmen wefadarî û qîmetdayîna xelkê herêmê ji bo zarokên xwe yên ku di oxira pêkanîna azadî û aramiyê de canê xwe daye, nîşan dide.

Bi hatina Cejna Qurbanê re, ku dikeve 6’ê Hezîranê û ji bo bîranîna şehîdan, xelkê herêmê êvara cejnê serdana goristanên şehîdan kir.

Ev serdan nîşan dide ku şehîdên herêmê yên ku canê xwe feda kirine, lehengên rastîn in ku ewlehî, aramî û jiyîna aştiyane li ser xaka xwe watedar kiriye.

Li tevahî bajar û kantonên Herêma Bakur û Rojhilatê Sûriyeyê malbat û hevrêyên şehîdan mûm li ser gorên şehîdan pêxistin û kulîlk danîne ser goran. Bi wê re boneyên cejnan vediguherin helwesta wefedariyê û girêdana xurt bi fedakariyên mezin ên şehîdan.

Ev çalakî, sembola çanda wefadarî û girêdana bi berxwedanê re nîşan dide, ku êdî bûye beşe resen ji nasnameyên gelên herêmê. Xelkê herêmê roj bi roj diyar dikin ku fedakariyên şehîdan wê ji nifşên bê re bibin jêdera serbilindî û îlhamê û têkoşîna ji bo azadî û rûmetê bi biryardariyeke xurt didome.

(fr)

ANHA

şedadê

Tebqa

Dêrik

Hesekê

Heleb

Amudê

Dirbesiye

Qamişlo