Dewreya perwerdeyê ya 47 efserên Hêzên Ewlekariya Hundirîn bi dawî bû

Li bajarokê Mansûra yê Reqayê dewreya perwerdeyê ya 47 efserên Hêzên Ewlekariya Hundirîn bi dawî bû.

ROJANE

16 kanûn, 2025 14:47

NAVENDA NÛÇEYAN

Li bajarokê Mensûra yê li Reqayê, bi beşdariya 47 endamên jin û mêr ên Hêzên Ewlekariya Hundirîn dewreyeke perwerdeyê a taybet ji bo efseran ku bi navê şehîd Mistefa Îsa El Mihemed hat lidarxistin, bi dawî bû.

Dewreya perwerdeyê di bin çavdêriya Rêveberiya Fakulte û Dibistanan de hate birêxistinkirin û di 3 mehan de li ser pêşxistina şiyanên yasayî, siyasî û leşkerî ders hatin dayîn. Her wiha armanc ew bû ku asta amadebûna pîşeyî û dîsîplîna sazîbûnî di nava endaman de, li gorî pêdiviyên xebata ewlehiyê di qonaxa heyî de bê bilindkirin.

Merasîma derçûnê ji aliyê Fermandariya Giştî ya Hêzên Ewlehiya Hundirîn, Rêveberiya Fakulte û Dibistanan ve bi amadebûna malbata şehîd Mistefa Îsa El Mihemed hate lidarxistin.

Axaftvanan di merasîma derçûnê de, girîngiya berdewamiya birêxistinkirina dewreyên perwerdeyê yên taybet destnîşna kir û wek stûneke bingehîn di gihandina endamên pispor de hat dîtin ku dikarin berpirsyariyan bigirin ser xwe û bi rihê pabendbûn û fedakariyê erkên xwe berdewam bikin.