Dewreya perwerdeya xebatkarên gumrikê bi dawî bû

Merasîma bidawîkirina dewreyê li Akademiya Şehîd Halim a Perwerdeya Gumrikê a kantona Reqayê hate lidarxistin. Hevserokê Meclisa Rêveber a Rêveberiya Xweser Husên Osman, nûnerên Nivîsgeha Têkiliyên Giştî ya Meclisa Sûriyeya Demokratîk, Rêveberiya Giştî ya Gumrikê, partiyên siyasî, Meclisa Jinên Sûriyeyê û malbata şehîd Nûreddîn Sofî tev li merasîmê bûn.

Dewreya perwerdeyê 45 rojan dom kir, endaman dersên ramyarî, siyasî, leşkerî û pîşeyî wergirtin.

Merasîmê bi rêzgirtinê dest pê kir, piştre rê û resmeke leşkerî ji hêla endamên dewreyê ve hate pêşkêşkirin.

Hevserokê Meclisa Rêvebr a Rêveberiya Xweser Husên Osman di merasîmê de got: "Di vê dewreyê de, we zanîn û jêhatîtiyên pratîk bi dest xistine, hûn ji hêla kesên jêhatî û pispor hatine perwerdekirin. Êdî divê hûn vê zanînê bi xebat, dîsîplîn û pêkanîna qanûnan bi rihekî berpirsiyarî û zelal di paratîkê de bi kar bînin.”

Osman diyar kir ku Rêveberiya Xweseriya Demokratîk dê piştgiriya hemû hewldanên pêşxistina karmendan bike.

Rêveberê giştî yê gumrikê yê Bakur û Rojhilatê Sûriyeyê Azad Mihemed Elî, spasiya hemû saziyên ku tev li merasîmê bûne û malbata şehîd Nûreddîn Sofî kir.

Mihemed Elî bang li gelên herêmê kir ku li dora Hêzên Sûriyeya Demokratîk bibin yek û bal kişand ser banga aştiyê ya Rêber Abdullah Ocalan û got ew bang mifteya çareserkirina pirsgirêkên cîhanê û Rojhilata Navîn e.

Piştî axaftinan Rêveberiya Giştî ya Gumrikê, Ofîsa Perwerdeyê ya Rêveberiya Xweseriya Demokratîk a Bakur û Rojhilatê Sûriyeyê xelat kir.

Di dawiya merasîmê de endamên dewreyê sond xwar û wêneyên şehîd Nûreddîn Sofî li wan hatin belavkirin.

(k)