Civîna Yekitiya Nîştimanî ya Eşîr û Pêkhateyên Sûriyeyê dest pê kir

civîna a Yekitiya Nîştimanî ya Eşîr û Pêkhateyên Sûriyeyê bi dirûşma "Ji bo Sûriyeyeke yekgirtî û nenavendî, diyalog, ewlekarî, avakirin dest pê kir.

ROJANE

25 gulan, 2024 11:25

HESEKÊ

Duyemîn civîna a Yekitiya Nîştimanî ya Eşîr û Pêkhateyên Sûriyeyê bi dirûşma "Ji bo Sûriyeyeke yekgirtî û nenavendî, diyalog, ewlekarî, avakirin" li Stadyuma Werzîşê ya li Hesekê dest pê kir.

Civîn ji aliyê Rêveberiya Xweseriya Demokratîk û Meclisa Sûriyeya Demokratîk (MSD) ve hatiye organîzekirin. Di civînê de Kurd, Ereb û Suryanan, rayedarên Rêveberiya Xweseriya Demokratîk, MSD û fermandarê giştî yê QSD’ê Mazlûm Ebdî, oldarên misilman, mesîhî, êzidî, kesayetên Ermen, Asûr, Çerkes, Tirkmen û akademîsyen, rewşenbîr, nûnerên saziyên jinan û yên civakî beşdarî civînê bûne.

Axaftina destpêkê ya civînê dê ji aliyê Mezlûm Ebdî ve were kirin. Piştre dê hevserokê Meclisa Rêveber a Rêveberiya Xweseriya Demokratîk Hisên Osman û hevserokê MSD’ê Mehmûd El Mislit biaxivin. Bi navê şêx û rûspiyên Herêma Bakur û Rojhilatê Sûriyeyê û bi navê tevgerên jinan dê axaftin werin kirin. Li ser navê Weqfa Dêran jî dê nûnerek biaxive.

(bb)