Çeteyan gundê Kaxirê dorpêç kiriye û internet qut kiriye-HAT NÛKIRIN
Ji bo ku komkujiya xwe ya li dijî welatiyan veşêrin, çeteyên dewleta Tirk a dagirker gundê Kaxirê yê Efrîna dagirkirî dorpêçe kiriye û internet li ser gundê qut kiriye.
Çeteyên ʹEmşatʹ ên dewleta Tirk a dagirker, piştî li welatiyên gundê Kaxirê yê Mabeta yê Efrîna dagirkirî da û sûc pêk anîn, gund xistiye çemberê û internet qut kiriye.
Çavkaniyên xwecih ji ajansa me re diyar kir ku di saetên vê êvarê de hin jinên gundê Kaxirê li dijî siyasetên dewleta Tirk a dagirker û çeteyên wê yên revandin, dizîn û ferzkirina pereyan xwepêşandanek li dar xist û banga serbestberdana revandiyan kir.
Heman çavkaniyan teqez kir ku çeteyan li dijî xwepêşandana jinan derket, li jinan da û gule avêtin wan. Di encamê de 20 kes birîndar bûn. Ji wan birîndaran navên 8 kesan hat zanîn.
Serdegirtina malên xelkê gundê Kaxirê ji siysetên qirkirinê yên li dijî şêniyên mayî ye.
(fr)
