Cenazeyê şehîd Avaşîn Zinar li Şehbayê hate veşartin
Cenazeyê şervana YPJ ′yê Avaşîn Zinar li Goristana Şehîdên Berxwedana Serdemê ya navçeya Ehresê ya kantona Şehbayê hate veşartin.
Şervana Yekîneyê Parastina Jin (YPJ) Avaşîn Zinar (Yesmîn Îbrahim) dema ku li ser erka xwe bû 27`yê Cotmehê de bi qazeyekê şehîd bû. Cenazeyê şehîd merasîmekê li Goristana Şehîdên Berxwedana Serdemê ya li navçeya Ehresê ya kantona Şehbayê hate veşartin.
Şêniyên kantona Efrîn û Şehbayê cenazeyê şehîd Avaşîn Zinar ji nexweşxaneya Avrîn a navçeya Fafîn a kantona Şehbayê wergirt û ber bi goristanê ve bi rê ketin.
Li goristanê endama Meclisa Malbatên Şehîdan Asya Ebdo sersaxî da malbata şehîd û tevahiya şêniyên kantona Efrîn û Şehbayê û bal kişand ser berxwedana gel a ku di hundir Şehbayê de û wiha got: "Bi saya van şehîdan em niha bi azadî û aramî dijîn."
Piştre, endama koordansyona kongra Star Gulê Hemo wiha axivî: “Parastina destkeftiyên şehîdan, erka pêşîn a têkoşîna me ya domdar e."
Bi navê malbatê şehîda Avaşîn axaftin hate kirin û soza şopandina rêya şehîdan hate kirin.
Piştre wesîqeya şehadetê ya şehîd Avaşîn hate xwendin û radestî malbata wî hate kirin. Cenazeyê şehîd bi siloganên "Şehîd namirin" û tilîliyên dayikan hat veşartin.
(zş)
ANHA
