Çalakiya hunerî ya Tevgera Hîlala Zêrîn li Helebê di roja duyemîn de berdewam e

Tevgera Hîlala Zêrîn, bi hevkariya Navenda Çand û Hunerê ya Cemîl Horo û Yekîtiya Hunermendan, çalakiyên xwe yên hunerî li Helebê bi dirûşma "Bi çanda xwe, em komîna civaka demokratîk vejînin" didomîne. Çalakî di çarçoveya piştgiriya ramanên Rêber Abdullah Ocalan ê ku li şûna dewleta neteperest û xurtkirina çanda netewa demokratîk bi rêya komînan pêşkêş kiriye, hate lidarxistin. 

Çalakî ji duh ve li Komîna Şehîd Murad a li rojhilatê taxa Şêxmeqsûdê bi beşdariyeke berfireh ji endamên komînan dest pê kiribû. Di çalakiyê de stran, şano hatin pêşandan ku giyanê berxwedanê rave kir û bal kişand ser astengiyên li pêşiya ciwanan derdikevin.

Di roja duyemîn de, çalakî di Komîna Şehîd Duran a li heman taxê de li dar ketin. Beşdariyeke balkêş a şêniyan hebû ku nîşan dide çawa civak fikrê komînê qebûl kiriye û wê wek rêxistinbûyîneke alternatîf dibîne ji bo ku nirxên edaletê, wekheviyê û aştiyê bisepîne.

Hunermendan berhemên xwe yên folklorî û şano pêşandan. Şano li ser rewşa civakî û derûnî ya ciwanan bû ku bi rêya wê teqezî bi girîngiya parastina nasnameya çandî û têkoşîna komî hate kirin.

Berpirsên çalakiyê, diyar kirin ku çalakî dê heta roja înê bidome, her carê dê di komîneke taxên Şêxmeqsûd û Eşrefiye de li dar keve.

(ac/şx)

ANHA