′Bi xêzkirina wêneyan dibistanên me xweşik dibin′

Xwendekar û mamosteyên li Şehbayê ji bo xemilandina dibistanên xwe wêneyan li ser dîwarên refên xwe xêz dikin.

ROJANE

31 kanûn, 2023 17:17

ŞEHBA

ZEYNEB ŞÊXO

Xwendekarên Efrîn û Şehbayê li dibistanên xwe di vê demê de bi mamosteyên wênesaziyê re wêneyan li ser dîwarên refên xwe çêdikin.

Mamoste Ardelan Îbrahîm diyar kir ku piştî koçberbûnê û bicihbûna li Şehbayê, xwendekaran di dibistanên wêrankirî de perwerdeya xwe dibirin û wiha got: "Lê belê Îsal bi taybet ji bo xwendekaran me xwest projeyên ku moralên xwendekaran meztintir bikin me bi alîkariya xwendekaran wêne li ser dîwaraên dibistanan xêz kirin."

Ardelan wiha anî ziman: "Di nava şoreşê de me xwest aliyê wê ya çandî jî dewlementir bikin. Her wiha ji me çi were xwestin em ê bikin."

Xwendekara bi navê Rozîn Dilo jî diyar kir ku di dibistanan de ew wêneyên tîpan û pirtûkan xêz dikin.

Xwendekara refa 3′yan a dibistana Şehîd Kendal Laman Mihemed jî destnîşan kir ku wêneyên ew çêdikin, dibistana wan xweşik dikin û wiha got: "Ez bi zimanê Kurdî dixwînim û ez ji dibistanê xwe hez dikim, ji bo vê jî em wêneyan çêdikin."

ANHA