Bi çalakiyan êrişên li dijî koçberên Serêkaniyê hatin şermezarkirin

Xelkên bajarên Qamişlo, Hesekê, Til Temirê û Dirbêsiyê êrişên li ser malbatên Serêkaniyê yên vegeriyan warê xwe bi tundî şermezar kirin.

ROJANE

10 tebax, 2026 18:58

NAVENDA NÛÇEYAN

Di çarçoveya bicihanîna peymana 29‘ê Çileyê de, îro karwanê yekemîn a koçberên Serêkaniyê ku ji 410 malbatan pêk tê, berê xwe da bajarê xwe. Malbat dema gihaşt bajarê xwe, kesên hawirde yên êrişî wan kirin. Komîteya Koçberên Serêkaniyê banga li şêniyan kir ku li dijî van êrişan xwepêşandan li dar bixin. Komîteyê her wiha banga peydakirina parastinê û ewlehiyê kir û daxwaza hesabxwestinê ji sûcdarên van êrişan kir.

Bi armanca şermezarkirina êrişên li ser malbatên Serêkaniyê, li bajarên Qamişlo, Hesekê, Til Temirê û Dirbêsiyê xewepêşandan hatin lidarxistin û daxuyanî hatin dayîn.

Di çalakiyên ku bi sedan kes tev lê bûn, banga mîsogerkirina vegere ewle ya koçberan û hesabpirsîna ji êrişkaran hatin kirin.

Xwepêşandêran diruşmên şermezarkirina êrişan berz kirin û daxwaz ji aliyên eleqedar kir ku erkên xwe yên parastina koçberan, hesabpirsîna ji êrişkaran û garantiya vegera ewle ya koçberan bi cih bînin.

(f)

QAMIŞLO

TIL TEMIR

HESEKÊ

DIRBÊSIYÊ