Balafireke şer a Amerîkî li Îranê ket

Rayedarên Amerîkayî diyar kir ku balafireke wan a F-15ˊan li Îranê ket, xebatên lêgerîna endamên tîma balafirê didomin, endamek hatiye rizgarkirin.

3 nîsan, 2026 21:01

NAVENDA NÛÇEYAN

2 rayedarên Amerîkayê ji Reuters re got ku balafireke şer a Amerîkî li Îranê hate xistin û operasyona rizgarkirina pîlotan pêk hat. Ev bûyer ji destpêka êrişên Dewletên Yekbûyî yên Amerîka (DYA) li dijî Îranê ji 28ˊê Sibatê ve cara yekem pêk tê.

Girêdayî mijarê, CBS News ku agahiyên xwe dispêre rayedarên Amerîkayê da zanîn ku hêzên Amerîkayê kesek ji tîmê rizgar kiriye. Dezgehên ragihandinê yên Îsraîlê jî da zanîn ku yek ji endamên tîmê hatiye xelaskirin.

Artêşa Pasdarên Îranê li herêma ku balafira şer lê ket, li başûrê rojavayê welêt, operasyonên lêgerînê ragihand. Ajansên nûçeyan ên fermî yên Îranê bi bîr xist ku helîkopterên Amerîkayê bi nizmî digerîn, diyar e ji bo lêgerîn û rizgarkirinê ye.

Berpirsên Îranî bang li sivîlan kir ku li endamên tîmê yên sax bigerin, di heman demê de li gelek rûpelên medyaya civakî bi wêneyên rûxandina balafira şer hatine parvekirin.

(ac/fr)