’Azadiya Rêbertî berdewama azadî û têkoşîna jinan e’

Endamên Mala Jin û endamên Kongra Star li pêşiya avahiya Mala Jin a li taxa Xerbî ya bajarê Qamişloyê kom bûn û bi daxuyaniyekê daxwaza azadiya fîzîkî ya Rêber Abdullah Ocalan kir.

Daxuyanî ji aliyê rêvebera Mala Jin Behiya Silêman ve hat xwendin. Di daxuyaniyê de hate diyarkirin ku azadiya fîzîkî mafekî bingehîn e ku di qaûnên navneteweyî, bi taybetî peyama girêdayî mafên sivîl, siyasî û pîvanên muameleya li hemberî girtiyan de hatiye destnîşankirin.

Hat gotin, berdewama ragirtina Rêber Abdullah Ocalan binpêkirina van qanûn û pîvanan e, her wiha birîneke vekirî di wijdanê mirovahiyê de çêkiriye.

Di dewama daxuyaniyê de îşaret pê hat kirin ku Rêber Abdullah Ocalan jiyana xwe da parastina rûmeta gelan û mafên wan ên azadî û demokasiyê. Hate destnîşankirin ku ramanên wî bûne jêdera hêvî û îlhamê ji mîlyonan kesî re.

Di daxuyaniyê de hate diyarkirin ku ragirtina Rêber Abdullah Ocalan di heman demê de li pêşiya pêvajoya aştî û aramiyê li herêmê dibe asteng.

Hate gotin, divê Rêber Abdullah Ocalan bêyî şert tavilê were azadkirin. Bang li Neteweyên Yekbûyî, Yekitiya Ewropa û Dadgeha Mafên Mirovan a Ewropayê jî hat kirin ku berpirsyariyên xwe yên qanûnî û mirovî  bi cih bînin û  dawî li neheqiya dîrokî bînin.

Di dewama daxuyaniyê de hat desntîşankirin ku azadiya Rêber Abdullah Ocalan berdewama azadiya jinan û têkoşîna ji bo azadiya wî ya fîzîkî têkoşîna ji bo jiyanê û felsefeya Jin, Jiyan, Azadî ye.

Di daxuyaniyê de îşaret pê hat kirin ku pirsgirêka jin tevahî mirovahiyê eleqedar dike û azadiya fîzîkî ya Rêber Abdullah Ocalan gavek girîng ber bi pêkanîna aştî û edaletek mayînde ve ye.

(bb)

ANHA