2 bazirganên hişbirê li Tebqayê hatin girtin
Hêzên Ewlekariya Hundirîn 2 kesên hişbir li gundewarên Tebqayê difirotin, girtin.
Di çarçoveya pêngava tolhildana şehîdên Têkoşîna Dijî Madeyên Hişbirê ku Hêzên Ewlekariya Hundirîn –Bakur û Rojhilatê Sûriyeyê di 27′ê Cotmehê de dabû destpêkirin de, Hêzên Têkoşîna li dijî Madeyên Hişbirê yên Hêzên Ewlekariya Hundirîn di 23′yê Mijdarê de li bajarokê Mensûra yê li rojhilatê Tebqayê operasyonek da destpêkirin.
Hêzan di operasyonê de 2 kesên bazirganiya hişbirê li herêmê dikir, girtin û li gel wan 8 hezar û 646 hebên hişbir desteser kirin.
Hêzên Ewlekariya Hundirîn li ser malpera xwe ya fermî hûrgiliyên operasyonê û dîmena şopandina wan her du kesan û girtina wan tevî hebên hişbirê, belav kir.
(fr)
