Sersaxî ji malbatên şehîd Candar û şehîd Rêzan re xwestin
Ji malbatên şehîd Rêzan Mistefa û şehîd Candar Oskîlo re sersaxî hat xwestin û hevrêyên şehîdan careke din soza tolhildanê da.
Rêzan Mistefa û Candar Oskîlo 8'ê vê Cotmehê de di encama bombebarana balafira dewleta Tirk a dagirker a li dijî Akademiya Hêzên Têkoşîna Dijî Madeyên Hişbirê ya li Dêrikê de şehîd bûn. Meclisa Malbatên Şehîdan a Helebê ji bo herdu şehîdan konê sersaxiyê li qada Şehîdan a li rojhilatê taxa Şêxmeqsûdê vegirt. Nûnerên partiyên siyasî, saziyên sivîl û Hêzên Ewlekariya Hundirîn herikîn ji di nav de, şêniyên taxê berî dan kon û sersaxî xwestin.
Endama Meclisa Malbatên Şehîdan Remziye Salih Îbrahîm sersaxî ji malbatên şehîdan re xwest û li ser planên dewleta Tirk a dagirker jî got: "Dewleta Tirk a dagirker hewl dide bi van êrişan îradeya me têk bibe, lê belê em soz didin ku şopa şehîdan bidomînin. Em ê xwe û zarokên xwe ji bo welatê xwe feda bikin."
Endamê Partiya Yekitiya Demokratîk (PYD) Elî Şêr got: "Me bi rêya analîzên Rêber Apo û berxwedana gerîla rastiya dijmin nas kir ku armanca wî tunekirina Kurdan e. Ji bo têkbirina van planan divê em hevgirtin û yekitiya hemû pêkhateyên xwe pêk bînin."
Endama Hêzên Têkoşîna Li Dijî Madeyên Hişbirê Mizgîn Elî destnîşan kir ku şehîd hebûna gelan diparêzin û şehîd Rêzan û Candar bi îrade û lehengiya xwe hezkirin di dilê hevrêyên xwe de çand û navên xwe di dîrokê de nivîsandin.
Mizgîn Elî soza tolhildana şehîdan û şopandina rêya wan da.
Merasîm bi siloganên "Şehîd Namirin" bi dawî bû.
(mh/bb)
ANHA