Xelkê Firatê sersaxî da malbata şehîd Ala Munzûr Dêman

Bi sedan xelkê herêma Firatê sersaxî ji melbata şehîd Dilşîn Şêxo (Ala Munzûr Dêman) re ‎xwest. Şehîd Ala Munzûr Dêman li dijî artêşa Tirk a mêtinger û qirker, heta nefesa xwe ya ‎dawiyê bi wêrekiyeke mezin û ruhê fedaî şer kir û şehîd bû.‎

Konê sersaxiyê li Taxa Şehîd Moro, hatibû vedan. Di bin konê de wêneyê Rêber Apo, wêneyên ‎şehîd Ala Mundûr Dêman hatibûn daliqandin.‎

Di merasîmê de hevseroka Meclisa Malbatên Şehîdan Ayşe ‎Efendî axivî û got: "Em bejna xwe li hember şehîdan ditewînin û em ê heta dawiyê li pey ‎xewn û xeyalên şehîdan bin.” ‎

Piştre endamê Meclisa Giştî ya (PYD)ê Salih Nûh axivî û wiha got: "Dem dema tolhildana şehîdên ‎me ye. Serkeftin û destkeftiyên li herêmê hatine bidestxistin bi saya têkoşîn û berxwedana ‎şehîdan e. Bila dijmin bizane, em ê heta dawiyê şopdarên rêya şehîdên xwe bin. Em ê xeta ‎şehîdên xwe bidomînin û destkeftiyan biparêzin." ‎

Her wiha endamê Rêveberiya Hêzên Ewlekariya Hundirîn Şêro Mistefa wiha got: “Em soz ‎didin şehîdan ku em ê xeta şehîdên xwe bişopînin, xewn û xeyalên wan pêk bînin.”‎

Di dawiyê de wesîqeya şehîd Ala Munzûr Dêman hat xwendin û radestî malbatê ‎hate kirin.‎

‎(eş)‎

ANHA