QSD`ê der barê tevgera wan li Dêrazorê daxuyaniyek da

Navenda Ragihandinê ya Hêzên Sûriya Demokratîk (QSD) têkildarî îdiayên hin dezgehên çapemeniyê belav kirine, bi daxuyaniyekê derewandin.

Agahiyên ku navendê parve kirine wiha ne: “Di rojên derbasbûyî de hin dezgehên ragihandinê agahiyên ne rast li ser tevgera hêzên me li herêma Dêrazorê belav kiribûn û hin medyayên din jî li ser operasyon û cihê îhtîmala hêzên me spekulasyon belav kiribûn. Em piştrast dikin ku hemû agahiyên belav bûne spekulasyonên ne rast in û li ser, tu bingeheke rastîn nînin.

Di rojên derbasbûyî de hêzên me di çarçoveya operasyonên leşkerî yên rûtîn de ji bo parastina asta pêşketina di şerê li dijî şaneyên rêxistina terorîst DAIŞ’ê de û ji bo bidestxistina asteke baştir a ewlehî û aramiyê ji şêniyan re, tevgerên ne awarte li dar xistin bi hevkariya Hêzên Ewlekariya Hundirîn a Bakur û Rojhilatê Sûriyê û tedbîrên xwe li gorî asta metirsiyên şaneyên terorîst zêde kirin.

Hêzên me û Hêzên Ewlekariya Hundirîn, di çarçoveya xebatên ji bo dawîkirina şaneyên DAIŞ’ê û parastina gel bê kirin, wê di dema pêş de hîn bêhtir çalak bin.”

(şx)