​​​​​​​Kesayetên beşdarî Komxebata têkildarî Peymana Lozanê bûne

Komxebata Navenda Rojava ya Lêkolînên Stratejîk a têkildarî Peymana Lozanê ku bi navê “Lozan: Rastkirin û çareserkirina pirsgirêkên aramî û ewlehiya herêmî” li Hesekê tê lidarxistin, di roja duyemîn de dewam dike.

Zêdetirî 150 siyasetmedar, lêkolîner û akademîsyenên ji Bakur û Rojhilatê Sûriyeyê, Kurdistan û cîhanê hem bi awayekî fîzîkî, hem jî bi rêya Zoomê, name û peyamên bidîmen beşdarî komxebatê bûne.

Kesayetên ji Ewropayê beşdarî komxebatê bûne ev in; nivîskar û akatîvîsta mafên mirovan Zeyneb El Xezewî, nivîskarê fransî Frabcoi-Henri Deserable, nivîskarê fransî û pisporê kar û barên kurdî û navneteweyî Patrice Franceschi, mamosteyê zanistên siyasî yê Zanîngeha Viyaneyê Thomas Schmedinger, nivîskar, lêkolîner û rojnamevana almanî Kristin Helberg, mamosteyê dîrokê yê Zanîngeha Kurdistanê ya Navneteweyî Beyar Mistefa, parlamenterê Katalan Rubin Wangensberg, siyasetmedar û parêzerê Katalan Marc Barbacil û aktîvîsta siyasî û hiqûqnas Lara Costafreda.

Ji Amerîkayê jî rojnamevan û derhênerê belgefîlman Matt Whitworth û nivîskar û lêkolîner Summer Steenberg beşdar bûne.

Ji Bakur û Rojhilatê Sûriyeyê jî hevseroka Meclisa Rêveber a Rêveberiya Xweser a Bakur û Rojhilatê Sûriyeyê Bêrîvan Xalid, cîgirê Hevserokatiya Meclisa Rêveber a Rêveberiya Xweser Hemdan El Ebid, nûnerê Rêveberiya Xweser ê Fransayê Xalid Îsa, hevserokên Partiya Yekitiya Demokratîk (PYD) Asya Ebdullah û Salih Muslim, hevserokên Tevgera Civaka Demokratîk (TEV-DEM) Rûken Ehmed û Xerîb Hiso, sekretera giştî ya Partiya Sûriya Pêşerojê Sîham Dawûd, berdevkê Yekîneyên Parastina Gel (YPG) Nûrî Mehmûd, berdevka Yekîneyên Parastina Jin (YPJ) Rûksen Mihemed, serokê Tarîqata Sofî-Qadirî li Sûriyeyê Şêx Mihemed El Qadirî, endama Desteya Serokatiya PYD`ê Foza Yûsif, seroka Navenda Lêkolînan û Parastina Mafên Jinan a Sûriyeyê Mizgîn Hesen, berdevkê Însiyatîfa Azadiya Rêber Abdullah Ocalan a Sûriyeyê Ferzende Mûnzûr, endama Desteya Rêveber a Kongreya Neteweyî ya Kurdistanê-Rojava Ebîr Hesaf beşdarî komxebatê bûne.

Ji kesayet, serokên partiyên siyasî yên kurdî û siyasetmedarên Kurdistanê jî hevserokê Partiya Kesk a Demokratîk Luqman Ehmê, hevserokê Partiya Aştiya Demokratîk Talal Mihemed, sekreterê Partiya Çepgir a Demokratîk a Kurd li Sûriyeyê Salih Gedo, sekreterê Partiya Demokratîk a Kurd a Sûriyeyê (El Partî) Nasireddîn Îbrahîm û bi dehan siyasetmedarên din beşdar bûne.

Her wiha fermandarê giştî yê Hêzên Sûriya Demokratîk (QSD) Mazlûm Ebdî, li ser navê Buroya Hiqûqê ya Sedsalê jî Omer Guneş bi rêya peyamên bidîmen beşdarî komxebatê bûn. Serokê Yekitiya Nîştimanî ya Kurdistanê (YNK) Bafil Talebanî jî nameyek şand komxebatê.

Hejmareke hiqûqnas û endamên Navenda Lêkolînan a Jineolojiyê ya Bakur û Rojhilatê Sûriyeyê jî tev li komxebatê bûne.

(c)

ANHA