Xelkê Hesekê cenazeyê şehîd Idrîs El Hemûd oxir kir

Şêniyên Hesekê cenazeyê şervanê QSD`ê Idrîs El Hemûd li Goristana Şehîd Dijwar a gundê DAwûdiye oxir kir.

NÛÇE

6 tîrmeh, 2023 18:36

HESEKÊ

Bi sedan şêniyên Hesekê û endamên tevahî sazî, navendên sivîl û leşkerî yên bajêr, tev li merasîma oxirkirina şehîd Idrîs El Hemûd (Dibrîn) bûn.

Di merasîmê de endamê Meclisa Malbatên Şehîdan Mehmûd El Cewad axivî û sersaxî da malbata şehîd.

El Cewad wiha axivî: “Rêya şehîdan, rêya me ya pêkanîna armancên şoreşa me û pêkanîna hêviyên gelan e û dê ji bo gelên me bibin minare.”

Ji fermandarên Nivîsgeha Şehîdan a QSD`ê ya Herêma Cizîrê Mistefa Şerîf got ji destpêka şoreşê ve, dewleta Tirk a dagirker şerê gelên herêmê dike û wiha domand: “Bi saya felsefeya Rêber Abdullah Ocalan, serkeftin dê hertim para me be.”

Şerîf eşkere kir ku gelê herêmê xwedî li hêzên leşkerî derketin û bi tevahî rêbazan piştgiriya wê dikin da ku armancên şehîdan pêk werin û Sûriyeyeke demokratîk a azad, ava bibe.

Dûre endama Meclisa Malbatên Şehîdan Rojda Ehmed wesîqeya şehadeta şehîd xwend û radestî malbata wê kir.

Di dawiyê de girseya gel cenazeyê şehîd Idrîs li goristanê veşart.

(şx)

ANHA