Şehîd Zîlan li Helebê hat bibîranîn

Kongra Star û Tevgera Hîlala Zêrîn bi boneya salvegera 27'an a çalakiya fedaî ya Zîlan (Zeyeb Kinaci) merasîmê bîranînê li herêma Cebanat a taxa Şêxmeqsûd a Helebê li dar xist.

Di merasîmê de endama Koordînasyona Kongra Star Varjîn Mihemed û rêvebera Nivîsgeha Têkiliyan a PYD'ê Eyşe Hiso axivîn.

Varjîn Mihemed anî ziman ku şehîd Zîlan bi çalakiya xwe ya fedaî rê li ber jinên Kurd vekir da ku şêwazê fikrandin û jiyana xwe biguherin û rêya têkoşînê hilbijêrin.

Varjîn Mihemed got, şehîd Arîn Mîrkan, Jiyan Tolhildan û Rîhan dan ser şopa şehîd Zîlan û têkoşîna wê dewam kir.

Eyşe Hiso jî diyar kir ku şehîd Zîlan bi çalakiya xwe ya fedaî bû mînaka berxwedanê û wiha domand: "Dewleta Tirk a dagirker xwest meha Hezîranê bike meha têkbirinan, lê gelê ku daye şer şopa Zîlan serî ji dagirekran re netewîne."

Eyşe Hiso anî ziman ku têkoşîn wê dewam bike heta azadiya fîzîkî ya Rêber Abdullah Ocalan pêk were.

Piştî axaftinan hunermend Baran, Koma Şehîd Zîlan, Koma Vajîn stran gotin û Koma Şehîd Hêzil jî şano pêşkêş kir.

Di dawiyê de sinevîzyonek li ser jiyana şehîd Zîlan hat pêşandan.

(bb)

ANHA