Pêkhateya Ereb di fikrê Rêber Abdullah Ocalan de yekitiya xwe dît

Pêkhateyên Bakur û Rojhilatê Sûriyeyê, projeya neteweya demokratîk a Rêber Abdullah Ocalan qebûl kir. Pêkhateya ereb di projeyê de, rêyek dît ji bo ku ji parçebûnê ku pergalên zordest li wan ferz kir, xilas bibin û bibe destpêka rizgarkirina jinan ji zihniyeta baviksalariyê.

Cîgirê serokê Meclisa Êla El Cebûr a Ereb Şêx Ehmed El Hiwêder ji ajansa me re destnîşan kir ku gelê ereb ji wan gelan e ku herî zêde bindest bûne û wiha domand: “Ji ber wê jî wan her tim li alternatîfekê digeriya. Wan ev alternatîf jî di reseniya projeya neteweya demokratîk de dît.”

El Hiwêder wiha zêde kir: "Piştî ku pêkhateya ereb ber belav bû, niha roj bi roj hevgirtina wan a civakî zêdetir dibe."

Rêber Abdullah Ocalab girîngî da doza rizgarkirina jinan li gor baweriyeke wiha ku azadiya civakan bi azadiya jinan ve girêdayî ye.

Der barê vê mijarê de Leyla El Zixîn a ji eşîra El Siwêfat got: "Jinên ereb berî ku fikrê Rêber Abdullah Ocalan belav bibe heta asteke mezin bindest bûn û bûbûn esîrên hişmendiya baviksalariyê."

Leyla wiha domand: "Lê îro, jinên ereb xwe di gelek saziyên sivîl, leşkerî û partiyên siyasî û qadên şer de îsbat kirin û destkeftiyên mezin li herêmê bi dest xistin."

Her wiha, Wenas El Ebdullah ê ji eşîra El Beke El Huseyniye piştrast kir ku projeya neteweya demokratîk azadiyê ji bo civakan misoger dike û pêkhateya ereb pêkhateya herî nêzîk a ji projeya neteweya demokrarîk e.

(mh/şx)

ANHA