Li hember sûcên tecawîzkirina zarokan hêrsa gel

Di hefteyekê de li Efrînê 2 sûcên tecawîzkirina li dijî 2 zarokên (10  û 14 salî) ji hêla serçeteyên komên dewleta Tirk a dagirker ve pêk hatin.

Li ser vê yekê gelê herêmên Bakur û Rojhilatê Sûriyeyê sûcên dewleta Tirk a dagirker û çeteyên wê şermezar kirin û ev sûc weke temamkirina siyaseta qirkirin û guhartina demografiyê bi nav kirin.

HEDEFGIRTINA JIN Û KURDAN

Cîgirê Desteya Jinan a Rêveberiya Xweser a Bakur û Rojhilatê Sûriyeyê Newroz El Elî wiha got: "Ev rewş ne ya yekemîn li herêmên Efrîna dagirkirî pêk tê. Hincetên dewleta Tirk a dagirker gelek in ku sûcan li dijî zarok, jin û welatiyan pêk bînin. Ev yek nîşaneya fikirê wê yê hovane ye."

Newroz sûca hovane ya li dijî zaroka 10 saliya xwe derbas nekiriye şermezar kir û wiha domand: "Ev ji sûcên dewleta Tirk a dagirker û çeteyên wê yên li dijî jin û zarokan e; qetilkirin, revandin û tecawîzkirin. Ew yek hedefgirtina hebûna Kurdan û jinan e."

Newroz wiha pê de çû: "Sûcên guhartina demografîk ku dewleta Tirk a dagirker pêk tîne nîşaneya qutkirina herêmê ji xaka Sûriyeyê û tevlêkirina nava xaka Tirkiyeyê ye. Divê saziyên hiqûqî û mirovî yên îdiaya aştî û parastina mafên mirovan dikin li hember van sûcan bisekinin."

′LI HEMBER VAN SÛCAN RÊXISTINÊN HIQÛQÎ LI KU NE?′

Li aliyekî din jî welatiya bi navê Rabîe Bekro sûca tecawîzkirina zaroka 10 salî li navçeya Şiyê ya Efrîna dagirkirî şermezar kir û got ew dûrî hemû olan e.

Zehra Mihemed jî matmayîna xwe li hember bêdengiya rêxistinên têkildarî mafên zarokan nîşan da û wiha got: "Li hember sûcên li dijî zarokatiyê ev rêxistin li ku ne. Ev sûc xeteriyeke rasteqîn çêdike û gefan li jiyana zarokan dixwe."

Endama Desteya Rêveber a Nivîsgeha Kombûna Jınan a Zenûbiya Şehrezad El Casim jî li ser mijarê wiha got: "Bajarê Efrînê, di dirêjahiya salan de bajarekî aştî û ewlehiyê bû. Bajarê zeytûnê ku tê de hemû jinên rizgarkirî dijîn. Îro li dijî jinê tundî û sûc pêk tên. "

Şehrezad wiha domand: "Dagirkerî û çeteyên wê demografiya vî bajarî diguherin, vîna jina azadî bi tecawîzkirinê, tundî, koçberkirin û revandina zarokan dişikînin."

′KAREKÎ TIRSONAK E′

Her wiha endama rêveber a Komîteya Jinan a Meclisa Sivîl a herêma rojhilatê Dêrazorê Ayşe El Mudhî sûcên dewleta Tirk a dagirker ên li dijî jin û zarokan şermezar kirin.

Ayşe El Mudhî sûcên tecawîzkirina zarokan ji hêla çeteyên dewleta Tirk a dagirker bi karekî tirsonak wesif kir û got divê cezayên tund li dijî sûcdaran bên birîn."

(fr)

ANHA