Bijîşkên ji Almanyayê rewşa koçberên li Şehbayê şopand

Rêxistina Alîkariya Lezgîn a Navneteweyî) International Emergency Help) serdana kantona Şehbayê kir û rewşa koçberên Efrînê yên li kampan û xaniyên nîvwêrankirî şopand.

Şande ji serokê rêxistinê Ekrem Nesan û endamên rêxistinê Dr.Frank Schulze û profesorê beşa tamarê Borgan Scheblow pêk tê.

Şandeyê serdana kampa Berxwedan a li navçeya Fafînê û malên nîv wêrankirî yên ku koçberên Efrînê lê dimînin, kir.

Serokê rêxistinê Ekrem Nesan diyar kir ku armanca wan ji vê serdanê ew e ku alîkariyên ku li Almanyayê hatine komkirin bighînin koçberan û mexdûrên erdhejê. Nesan anî ziman ku alîkarî ji aliyê rêxistinên wekî Komeleya Zarokan a Mezopotamya û Koma Bijîşkên Kurd ên li Almanyayê ve hatine komkirin.

Nesan destnîşan kir ku di du mehên bê de wê beşekî din a alîkariyan werin pêşkêşkirin.

Nesan bal kişand ser ambargoya ku hikumeta Şamê li ser Şehbayê ferz kiriye û got: "Berî du rojan em gihiştin kantona dorpêçkirî, me dît çawa ji ber şer kanton wêran bûye. Hikumeta Şamê ambargo ferz kiriye û nahêle alîkarî û derman derbas bibin."

Nesan îşaret bi rola Heyva Sor a Kurd a pêşkêşkirina alîkariyan di mercên zehmet de kir û anî ziman ku ku ew ê rewşa li kantonê li Almanyayê ragihînin û alîkariyan ji bo koçberên Efrînê û mexdûran re kom bikin.

Tê payîn ku şande seredana saziyên tenduristî û yên xizmetguzariyê yên li herêmê bike.

(bb)

ANHA