Li Kobanê ji bo 2 şehîdan merasîmek hat lidarxistin

Ji bo veşartina cenazeyê Ehmed Elî (Şoreş Kobanê) yê 18ʹê Çileyê dema li ser erka xwe bû di êrişa hewayî ya dewleta Tirk a dagirker a li Tirbespiyê de sehîd bûbû û ji bo bîranîna şehîd Rêncber Rêbaz (Mihemed Osman) yê di 26’ê Îlona sala 2022’yan li Zapê şehîd bû, merasîmek li goristana Şehîd Dicle hat lidarxistin.

Di merasîma ku bi sedan kes tevlê bûn de endama rêveberiya Koordînasyona Kongra Star a herêma Firatê Macîda Hesûn axivî û got: "Em gelelekî têkoşer û berxwedêr in. Em serî ji dewleta Tirk a dagirker re natewînin. Biryara me an mirin an jî şehadeteke bi rûmet e."

Endamê TEV-DEMʹê yê herêma Firatê Bozan Dalî anî jî ziman ku ew bi saya berxwedana gerîla dijîn û wiha domand: "Lê hemû cûre êriş û hemû cure çek û yê kîmyewî de êriş li ser me têne kirin. Tevî vê jî em ji dewleta dagirker re dibêjin, em teslîm nabin, berxwedan jiyan e. Bi berxwedanê em ê bi serkevin û herêmên dagirkirî rizgar bikin."

Bozan Dalî bang li gelê herêmê kir ku li dijî êrişên dagirkeriyê berxwedanê geş bikin.

Piştî axaftinan nasnameyên herdu şehîdan hatin xwendin û radestî malbatên wan hatin kirin. Cenazeyê şehîd Ehmed Elî li goristana Şehîd Dicle hat veşartin.

(bb)

ANHA