​​​​​​​`Em pişta xwe nadin tu hêzeke derve û em ê parastina xaka xwe bikin′

Li gel bêdengiya hêzên navneteweyî dewleta Tirk a dagirker bi awayekî rojane êrişî Bakur û Rojhilatê Sûriyê dike. Gel li hember van êrişan û bêdengiya hêzên navneteweyî bi hêrs bûn û bertekên tund nîşan da.

Têkildarî mijarê, birayê şehîd Ebdurehman El Hisên, Ebdulhekîm El Hisên got: "Divê dawî li êrişên ku her roj li herêmê tên kirin, bê û divê sûcên dermirovî yên li dijî welatiyên li Bakur û Rojhilatê Sûriyê bên sekinandin."

El Hisên wiha domand: "Divê hêzên navneteweyî sûcên dewleta Tirk a dagirker şermezar bikin û dadgehên ji bo eşkerekirina lêpirsînan ava bikin û pêşî li hincetên derew ên dewleta Tirk ku pê êrişî herêmên Rêveberiya Xweser dike, were girtin."

El Hisên wiha pê de çû: "Em malbatên şehîdan ên li Bakur û Rojhilatê Sûriyê ji bo teşhîrkirina sûcên dewleta Tirk a dagirker naskinin. Em ê wê yekê bi pêkanîna şerê gel ê şoreşgerî pêk bînin."

El Hisên wiha dawî li gotina xwe anî: "Pêkhateyên Bakur û Rojhilatê Sûriyê yek e, hevgirtina wan ji kevn de ye. Divê em vê hevgirtinê bi rêya têkbirina hemû hewldanên dagirkirina herêmê û koçberkirina welatiyan, xurt bikin."

Her wiha bavê şehîd Îbrahîm El Şamî, Mehmûd El Şamî jî wiha got: "Dewleta Tirk a dagirker sûcên herî hovane li dijî herêmên me pêk tîne û êdî dîmenên bombebarana rojane li ser xaka me senaryoyên dubare ne."

El Şamî di dewama axaftina xwe de ev tişt anî ziman: "Ev yek ji bo pêkanîna armancên wê ye. mîna vê jî hewldana koçberiya şêniyên resen, guhartina demografîk û bicihkirina çeteyan li bakurê Sûriyê."

El Şamî wiha pê de çû: "Xwestekên me yên dawîanna li sûcên dewleta Tirk a dagirker ranewestîne, lê hêzên navneteweyî bê deng in. Ji lew re em gihaştin armancekê, ew jî em li hember planên dijminane xwe bispêrin hêzên xwe."

El-Şamî di dawiya axaftina xwe de wiha got: "Divê yekitiya gel di nava hemû pêkhateyan de were xurtkirin û geşkirin û ji bo çeka li hember êrişên dewleta Tirk a dagirker divê rêgez şerê gel ê şoreşgerî be."

Bavê şehîd Îbrahîm El Şêx, Mihemed El Şêx jî êrişên dewleta Tirk a dagirker û bombebarankirina herêmên Bakur û Rojhilatê Sûriyê şermezar kir û got: "Dewleta Tirk a dagirker êrişên xwe yên li dijî herêmên ewle didomîne û pabendî tu biryareke navneteweyî ya agirbestê nebû. Berpirsiyariya rawestandina van êrişan jî li ser milê dewletên îdiaya aştiya li herêmê dikin."

Mihemed El-Şêx di dawiya axaftina xwe de wiha got: "Em pişta xwe nadin tu hêzeke derve û em ê di parastina xaka xwe de, pişta xwe bidin xwe. Em ê bi rêya pêkanîna pransîba şerê gel ê şoreşgerî serkeftinê pêk bînin."

ANHA