Ciwan ji bo piştgiriya gerîla meşiyan

Ji bo piştgiriya berxwdana gerîlayan a li hember êrişên qirkirinê yên dewleta Tirk a dagirker ên li ser Herêmên Parastinê yên Medyayê, endamên Tevgera Ciwanên Şoreşger ên Sûriyeyê û Yekitiya Jinên Ciwan li bajaroka Til Marûf a girêdayî navçeya Tirbespiyê ya Qamişloyê bi dirûşmeya "Bi berxwedana şehîdan em ê bi ser bikevin" meşek li dar xist.

Meş ji Çerxerêya Şehîd Zozan bi dirûşmeyên silavkirina berxwedana gerîla dest pê kir. Di meşê de wêneyên Rêber Abdullah Ocalan û wêneyên gerîlayên bi çekên kîmyewî şehîd bûne, hatin hildan.

Li pêşiya Meclisa bajaroka Til Marûf meş vegerî mitîngê. Li wir endamê rêveber ê Tevgera Ciwanên Şoreşger ên Sûriyeyê Mizgîn Hisên axivî û êrişên dewleta Tirk a dagirker ên li dijî çiyayên Kurdistan, Bakur û Rojhilatê Sûriyeyê şermezar kirin.

Hisên diyar kir ku ew ê desteka ji bo berxwedana gerîla bidomînin û wiha axivî: "Wek gelê herêmê em ê li hember êriş û şerê taybet ê li dijî Kurdistanê bisekinin. Li ser navê tevgerên ciwanan ên li Tirbespiyê em bang li raya giştî dikin ku li dijî êrişên dewleta Tirk a faşîst û sûcên wê yên dermirovî bisekinin."

Hisên bang li rêxistinên têkildarî kir ku destwerdanê bikin û dawî li êrişên kîmyewî yên dewleta Tirk a dagirker ên li dijî Herêmên Parastinê yên Medyayê, bînin.

Meş bi dirûşmeyên silavkirian berxwedana gerîla bi dawî bû.

(fr)

ANHA