Li Hesekê bi şahiyekê berxwedana gerîla hate silavkirin

Komîteya Çand û Hunerê ya Bajarê Hesekê bi hevkariya Meclisa Bajarokê Tiwêna vê sibê bi armanca silavkirina berxwedana gerîla ya li dijî êrişên qirkirinê yên dewleta Tirk a dagirker û PDK`ê û piştgirîdayîna berxwedana Şengalê, şahiyek li qada bajarok li dar xist.

Şêniyên bajarokê Tiwêna û gundewarê wê yên Kurd, Ereb, Suryan, Asûr tevî bi dehan şêniyên Hesekê, endamên meclis û saziyên Rêveberiya Xweser ên li bajarok tev li şahiyê bûn.

Berdevka Navenda Çand û Hunerê ya Kantona Hesekê Efaf Heskî di şadhiyê de axivî û êrişên dewleta Tirk a dagirker ên bi hevbeşiya PDK`ê li dijî Herêmên Parastinê yên Medyayê,  şermezar kir.

Efaf Heskî diyar kir ku projeya neteweya demokratîk a li Bakur û Rojhilatê Sûriyê li ser bingeha fikr û felsefeya rêber Abdullah Ocalan e.

Efaf her wiha destnîşan kir ku şagirtên rêber Ocalan li Herêmên Parastinê yên Medyayê li dijî dewleta Tirk a dagirker şer dikin, da ku mafên gelên Kurdistanê biparêzin.

Efaf Heskî anî ziman ku dewleta Tirk a dagirker bi êrişên xwe yên li dijî Herêmên Parastinê yên Medyayê, Bakur û Rojhilatê Sûriyê û Şengalê nikare projeya neteweya demokratîk têk bibe û vîna HPG`ê bişkîne.

Efaf berxwedana gerîla li dijî dewleta Tirk a dagirker raber dike, silav kir.

Endamê Meclisa Bajarokê Tiwêna Sebrî Hisên jî diyar kir ku bi hevgirtina xwe û piştgiriya gerîla ew ê hewldanên dewleta Tirk a dagirker û aliyên hevbeş têk bibin.

Piştre helbestvan Ferhadê Merdê bi çend helbestan berxwedana gerîla û gelê Kurd silav kir.

Di dawiya şahiyê de li ber stranên koma mûzîk û stranan a Navenda Çand û Hunerê ya Hesekê govend hat gerandin.

(eh)

ANHA