Akademiya Jineolojî pirtûka xwe ya nû da nasandin

Akademiya Jineolojî hewl dide zanista jinê ya di dirêjahiya dîrokê de yên di tevahî civakên de bi rêya lêkolînên li ser dîrok, civak, çandê û hwd bide nasîn.

Akademiyê bi şahiyekê pirtûka xwe ya "Bingehê dîrokî û siberoja şoreşa jinê" da nasandin. Şahî li Baxçeyê xwendinê yê Qamişlo bi amadebûna bi dehan endamên saziyên siyasî, çandî, hiqûqî, civakî û jinan hate lidarxistin.

Pirtûka "Bingehê dîrokî û siberoja şoreşa jinê" ji 613 rûpelan pêk tê û bi zimanê kurdî ye.

Pirtûka ku ji 2016’an ve xebat li ser tê kirin, di naveroka xwe de li bersivên 4 pirsan digire. Zêdetirî 360 jinên ji tevahî pêkhateyên Bakur û Rojhilatê Sûriyê bersivên van pirsan didin ku sûdê ji qonaxên jiyan û tecrûbeyên tê re derbas bûne wergirtine.

Akademiyê di dema lêgerîna li ser zanista jinê de bi gelek kesayetên leşkerî, siyasî, çandî û civakê yên herêmê re nîqaş kir ku analîzeke hûrgil li ser dîroka şoreşa jinê di civaka xwezayî de û heta Şoreşa Rojava- Bakur û Rojhilatê Sûriyê derxe.

Pirtûka bersiva wan 4 pirsan dide ku (bingehên şoreşa duyemîn a jinan li Mezopotaymayê ye, çavkaniyên ku pirsgirêkên civak û jinên bi taybet ên li Rojava tên çareserkirin, asta bandora şoreşa Kurdistanê li jiyana jin û civakê, texmîn û bangên jinên Rojava di pêşerojê de)

Endama Akademiya Jineolojî Şervîn Nûdem li ser naveroka pirtûka "Bingehê dîrokî û siberoja şoreşa jinê" axivî û got, piştî gelek analîz û lêkolînên girêdayî sosyolojiya azadî û rastiya jinên Rojavayê Kurdistanê û Bakur û Rojhilatê Sûriyê hatin kirin, ev pirtûk hat çapkirin.

Şervîn Nûdem da zanîn ku pirtûka nû çavkaniya lêkolînên zanistî li Bakur û Rojhilatê Sûriyê ye û wiha domand: "Pirtûk, serdema neolotîk an jî civaka xwezayî weke şoreşa destpêkê ya jinan şîrove dike ku dîroka wê bi pirrengiya çand, ol û civakan heta dîroka îro berdewam dike."

Şervîn Nûdem diyar kir ku di pirtûkê de beşên civakî û jinan hene ku li ser ferzkirina zihniyeta mêrdestî, bandora wê li demokrasî, azadiya civakan di damezrandina neteweperestiyê de, parçekirina erdnîgariya Rojhilata Navîn û çawaniya çareserkirina wê diaxive.

Di beşa sêyemîn de pirtûk balê dikişîne ser bandora şoreşa Kurdistanê di damezrandina Tevgera Azadiya Kurdistanê li jin û civakê bi giştî de, her wiha balê dikişîne ser destkeftiyên şoreşa 19’ê Tîrmehê. Beşa dawî jî hêviyên jinên Bakur û Rojhilatê Sûriyê yên pêşerojê nîşand dide.

Di dawiya şahiya îmzekirina pirtûkê de beşdar ji bo wergirtina pirtûkê hatin vexwendin.

(fr)

ANHA