Li Şehbayê malbatên şehîdan tecîrda li ser rêber Ocalan şermezar kir

Bi armanca şermezarkirina tecrîda li ser rêber Abdullah Ocalan, bi sedan endamên Meclisa Malbatên Şehîdan li navçeya Ehrizê a kantona Şehbayê bi dirûşemya "Bi rihê jina azadd em ê rêber Apo azad bikin" daket qadan.

Xwepêşandêran wêneyên rêber Abdullah Ocalan, alên Meclisa Malbatên Şehîdan û wêneyên şehîdan rakirin û ber bi kolanên navçeya Ehresê ve meşiyan.

Meş li goristana Şehîdên Berxwedana Serdemê veguherî mîtîngê. Mîtîng bi rêzgirtinê dest pê kir, piştre endama Meclisa Malbatên Şehîdan a Kantona Şehbayê Hacir Memo axivî û got: "Dayikên şehîdan dê li dijî tecrîdê tê bikoşin, ev tecrîd di heman demê de li ser me jî hatiye ferzkirin, ji ber vê yekê em ê banga azadiya rêberê xwe berdewam bikin û li dijî vê tecrîdê, em ê bi hemû rêbazan têkoşîna xwe dewam bikin."

Hacir ev li gotina xwe zêde kir: "Rêya ku rêber Apo ji me re ronî kir, ne bi hêsanî hate misogerkirin, ji ber vê yekê divê em li hemberî tecrîdê bê deng nemînin, li ber xwe bidin û banga azadiya wî bikin."

Endama Meclisa Malbatên Şehîdan a Herêma Efrînê Menal Şêxo bal kişand ser felsefeya rêber Abdullah Ocalan û wiha dewam kir: "Azadiya me vîna me ya azad a ku li ser bingeha fikir û felsefeya jiyana azad a rêber Apo hatiye avakirin îfade dike."

Menal Şêxo destnîşan kir ku azadiya jinan dê bi saya fikir û felsefeya rêber Abdullah Ocalan were pêkanîn, bi saya vî fikirî jinan nasname, hebûn û nirxên xwe bi dest xist û bû sembola berxwedanê. Menal di dawiyê de got divê jin asta têkoşîna xwe bilind bike û xwedî li armanc û şehîdan derkevin.

Di dawiya mîtîngê de diruşmeyên banga azadiya rêbertî û şermezarkirina tecrîdê hatin berzkirin.

(eh)

ANHA