Li Tebqayê firineya alî jinûve tê avakirin

Ji bo çareserkirina pirsgirêka nan, Komîteya Aborî ya Tebqayê dest bi xebatê jinûve avakirina firineya alî kir.

11 tebax, 2021 08:47

TEBQA

Firineya alî ku nan li tevahiya Tebqayê belav dikir, ji aliyê çeteyên DAIŞ`ê ve hatibû hilweşandin.

Firineya alî ya Tebqayê di nava bêjêr de ye û 24 saetan dixebitî û bi vê yekê belavkirina nan bi awayekî rêxistinkirî pêk dihat û nanê wê baş bû.

Bi pêngava Xezeba Firatê re li bajarê Tebqayê çeteyan alavên firineyê birin herêmên di bin serweriya wan de li Reqa û Dêrazorê û dema QSD`ê nêzî bajarê Tebqayê bû, çeteyan firine bi temamî teqand û hilweşand.

Di demên dawî de li bajarê Tebqayê pirsgirêka nan derketibû, nexasim bi hatina koçberan û penabaran re, nan têrî herêma Tebqayê nedikir.

Ji ber wê jî Komîteya Aborî ya Tebqayê jinûve dest bi avakirina firineya alî kir, da ku rewşa nan baş bibe û pêdiviyên welatiyan bi tevahî ji aliyê nan de, bîne cih.

/ar/uploads/files/2021/08/11/064848_wael-aldndn.webp

Piştî nîqaşkirina projeyê, komîteyê beriya du rojan dest bi xebatên jinûve avakirinê kir. Li gorî Cîgirê Komîteya Aborî Wayil El-Denden ku tê payîn di nava 100 rojî de avakirina firineyê bidawî bibe.

Wayil El-Denden piştrast kir ku firineya alî ya nû dê di saetê 375 torbe nan derxe û bi vê yekê wê nan Ii hemû herêmê peyda bibe.

(bx)

ANHA