Jinên Dêrazorê: Sûcên qetilkirina jinan bi armanca têkbirina şoreşa jinan e

Jinên gundewarên rojhilatê Dêrazorê der barê sûcên qetilkirina her du zarokên ku destpêka mehê li Hesekê pêk hatin de, axivîn.

Hevseroka Şaredariya Gel a Hecînê Ehed El-Mirkaz sûcê qetilkirina jinan û qetilkirina her du zarokên li Hesekê bi taybet şermezar kirin.

Ehed El-Mirkaz ev li gotina xwe zêde kir: "Di bin kîjan navî de dibe bila bibe, em qetilkirina jinan red dikin, bi berdewamkirina xeta têkoşîna jinan re da ku maf û azadiya xwe bi dest bixin, her wiha zêdebûna destkeftiyan wan re, em dibînin ku tundiya li dijî jinan û hedefgirtina wan zêde dibe, ev jî pîvanên mirovahî derbas dikin."

Ehed El-Mirkaz ev nirxandin kir: "Em ê li dijî hişmendiya paşverû ya mêrdestiyê ya qetilkirina jinan ji aliyên derûnî û bedenî ve têkoşîna xwe bilind bikin, her wiha em ê di navbera hemû beşên civakê de zanebûnê belav bikin, da ku azadî, adalet û wekhevî misoger bibe. Divê sûcdarên ku ew her du zarok qetil kirine, werin cezakirin."

Li aliyekî din endama Komîteya Jinan a Meclisa Firatê Xade Adil axivî û wiha got: "Em jinên gundewarên Dêrazorê sûcên li dijî her du zarokên bi navên Eyde û Aye pêk hatin, şermezar dikin."

Xade Adil wiha domand: "Ev sûc li hemberî azadiya hemû jinan dibe asteng, di heman demê de mafên jinan bi buhaneyên derexlaqî, rêgez û qanûnan bi kar tîne, ji lew re ev sûcên ku li dijî her du zarokan pêk hatin, bi armanca bidawîkirina şoreşa jinan û têkbirina wê ye."

Xade Adil wiha gotina xwe berdewam kir: "Dema sûcên wiha li dijî jinan û zarokên li herêmên me pêk bên, em ê bê deng nemînin, ji ber ku em jin in, pê dihesin û van êriş û sûcan qebûl nakin. Em ê têkoşîna xwe bilind bikin."

Di dawiyê de endama Komîteya Jinan a Meclisa Firatê Xade Adil êrişên çeteyên dagirkeriya Tirk ên li dijî jinên Bakur û Rojhilatê Sûriyê şermezar kirin û bang li rêxistinên hiqûqî û jinan kir ku van sûcan bisekinînin.

(eh)

ANHA

<iframe width="560" height="315" src="https://www.youtube.com/embed/kKCEpdzfoWs" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>