Cotkarên Minbicê dest bi çandina şitlên sebzeyan kir

Her sal di meha Sibatê de cotkar tovên şitlên sebzeyan di baxçeyên sergirtî de diçînin, piştre wan hildikin û di zeviyan de diçînin.

Cotkarên bajarê Minbic û gundewarên wê piştî cotkirina zevî û kişandina xetên avê dest bi çandina şitlên sebzeyan kir.

Cotkarê bi navê Zekeriya Remedan El-Sedo bi qasî 150 donim erd bi sebzeyên cur bi cur weke (kundirên dolmik, xiyar, îsot, bacanê sor (firingî), bacanê reş û cureyên cuda yên sebzeyan) çandiye.

Zekeriya di vê çarçoveyê de wiha got: "Em şitlên di tûrikên reş ên plastîk de diçînin da ku gîhayên bi ziyan li derdora wê şîn nebe û zûtir mezin bibe".

Zekeriya anî ziman ku lêçûna çandina hektarek ji şitlên sebzeyan bi qasî hezar û 300 dolar e û destnîşan kir ku wî ji mehekê ve hilberîna sebzeyên ku çandine wekî kundirên dolmik û xiyar daxistine bazarên bajar.

Çandinî jêdera debara jiyanê ya şêniyan e, lê ji ber ku qedexeya giştî ji bo belavbûna vîrusa korona hatiye ragihandina û dergehên sînor girtî ne, ev nêzî mehekê ye ku şitlên sebzeyan dibe sûkan da ku şênî bikirin û di nava erdên xwe de biçînin.

Hêjayî bibîrxistinê ye ku Saziya Çandiniyê pêdiviyên çandiniyê weke (sotemenî û semad) ji cotkaran re peyda dike. Sazî ji bo her hektarekî 450 lître mazot û bi buhaya 75 lîreya Sûrî li cotkaran belav dike.

(dx)

ANHA