Rûsyayê baregehên DAIŞ'ê yên li çolistana Sûriyê bombebaran kirin

Balafirên şer ên Rûsyayê li dijî herêmên çolistana Sûriyê derdora 60 êriş pêk anîn.

6 adar, 2021 10:03

NAVENDA NÛÇEYAN

Balafirên Rûsyayê piştî 72 saetan ji rawestandina êrişan, duh (în) ji nû ve operasyonên xwe li dijî çolistana Sûriyê domandin.

Li gorî Navenda Çavdêriya Mafên Mirovan a Sûriyê (SOHR), balafirên şer ên Rûsyayê zêdetirî 60 êriş li dijî eniyên belavbûna çeteyên DAIŞ'ê li çolistana rojhilata Hemayê, deverên di sêgoşeya Heleb, Hema û Reqayê de û çolistana rojhilatê Humsê de pêk anîn. Di encamê de 11 çete hatin kuştin û gelek jî birîndar bûn.

Ji 24’ê Adara 2019'an û heta niha, di encama êriş, teqîn û kemînên çeteyên DAIŞ'ê li rojavayê Firat, çolistana Dêrazor, Reqa, Swêda û Humsê de, derdora hezar û 353 endamên hêzên hikumeta Şamê; di nav wan de herî kêm 2 rûsî û 145 komên alîgirên Îranê, hatin kuştin. Her wiha di heman demê de 809 çeteyên DAIŞ'ê hatine kuştin.

Her wiha di encama êrişên çeteyên DAIŞ'ê de, 4 sivîlên ku di zeviyên gazê de kar dikin, 11 şivan, welatiyek, zarokek û 2 mêr hatine kuştin

(dm)