Salvegera 16`emîn a damezirandina Kongreya Star li Kobanê hate pîrozkirin

Endamên Kongreya Star û şêniyên kantona Kobanê salvegera 16'emîn a damezrandina Kongreya Star bi şahiyekê pîroz kir.

Di 15`ê Çileya 2005`an Yekitiya Star hate avakirin, di kongreyekê yekitiyê de ya ku 25`ê Sibata 2016`an li Rimêlanê hatibû lidarxistin, navê xwe Kongreya Star.

Şahî li hola Firatê ya Kobanê bi rêzgirtinê dest pê kir, paşê beşdaran li qeyda deng ê rêber Abdullah Ocalan guhdar kirin ku behsa têkoşîna azadiya jinan û girîngiya ku azadiya xwe bi dest bixe, dike.

Bi navê Nivîsgeha Jinan a Meclisa PYD`ê ya şaxê herêma Firatê Sara Xelîl axivî û îşaret bi rola diyarker a ku jinan di şoreşê de lîstine kir û wiha axaftina xwe dewam kir: "Bi saya fikirê rêber Ocalan ku rêya jinan ronî kir û li dijî faşîzmê li ber xwe da jin bûn pêşengên şoreşê."

Paşê ji fermandariyên YPJ`ê Jiyan Kobanê jî axivî, berxwedana jinên Bakur û Rojhilaêt Sûriyê li hemberî êrîşên dagirkeriyê silav kir û soza şopandina xeta berxwedana ta rizgarkirina jin ji zilm û koletiyê da.

Şahî bi stranên şoreşgerî yên Tevgera Kevana Zêrîn û gerandina xelekên govenê ji aliyê Koma Şehîd Zozan ve bi dawî bû.

(eh)

ANHA

<iframe width="560" height="315" src="https://www.youtube.com/embed/y7F0mxqCvwE" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>