Şêniyên Minbicê cenazeyê şehîd Ecan spart axê

Bi sedan şêniyên Minbicê cenazeyê şervanê Meclisa Leşkerî ya Minbicê Umer Ridwan Ecan ji nexweşxaneya Firatê wergirtin û bi karwaneke girseyî ber bi goristana Şehîdan a başûrê bajar ve ketin rê.

Li goristanê, şervanên Meclisa Leşkerî ya Minbicê turaneke leşkerî li dar xist û deqeyeke rêz hate giritn.

Dûvre endamê fermandariya Meclisa Leşkerî ya Minbicê Mistefa Hemadî wiha got: "Em bejna xwe li hember şehîdên qehreman û dayikên şehîdan ditewînin. Em li hember dijminan mertal in û li ser rêça şehîdan in."

Bi navê Meclisa Malbatên Şehîdan, endama meclisê Werde Ehmed jî wiha got: "Em gelê xwe yê ku ev ciwan anîne dinyayê û piştre tev li karwanên şehîdan bûne, pîroz dikin. Ji ber van şehîdan rêgezên azadî û jiyana hevbeş ava kirin."

Hevserokê Desteya Kar û Barên Civakî ya Rêveberiya Xweser a Bakur û Rojhilatê Sûriyê Farûq El-Maşî wiha diyar kir: "Ev welatê me ye, em ê bi hemû hêzên xwe parastina wê bikin. Bi saya ciwanên me yên qehreman ên di eniyên şer de em ê azad bijîn."

El-Maşî da zanîn  ku tevahî pêkhateyên Bakur û Rojhilatê Sûriyê di oxira avakirina neteweya demokratîk û biratiya gelan de canê xwe didin.

Di berdewama merasîmê de bi navê Rêveberiya Sivîl a Demokratîk a Minbic û Gundewarên wê serokê Nivîsgeha Kar û Barên Olan a Minbicê Elî Cimîlî axivî ku şehîdan canê xwe di oxira rizgarkirina welat de ji qirêjiya terorê û ji bo azad bijîn, da.

Cimîlî got ew bi ciwanên xwe yên şehîd serbilind in û wiha domand: "Me ji şehîdan vîna xurt a li hember dagirkeran, wergirtiye."

Piştî axaftin bi dawî bûn, Meclisa Malbatên Şehîdan wesîqeya şehadetê ya Umer Ridwan Ecan radestî malbata wî kir û piştre cenazeyê şehîd di nav tilîliyên dayikan û diruşmên silavkirina şehîdan de hate veşartin.

(fr)

ANHA