Şaredariyên Minbicê civîna xwe ya salane li dar xist

 Civîn li hola Meclisa Qanûnsaz a li avahiya Rêveberiya Sivîl a navenda bajarê Minbicê bi beşdarbûna bi dehan endam û rêveberyiên saziyên sivîl ên Rêveberiya Sivîl a Demokratîk a Minbic û gundewarê wê, rêveberên saziyên girêdayî Komîteya Şaredariyan hate lidarxistin.

Piştî deqeya rêzgirtin, Hevseroka Komîteya Şaredariyan a Minbicê Bêrîvan Derwîş rapora xebatên sala 2020'an xwend. Bêrîvan Derwîş diyar kir ku di sala 2020'an de 110 proje pêk anîne, jî  kanalîzasyon, sererastkirina rêyan, avakirina garacekê li gundên başûrê û avakirina parka Azadiyê û parka Malbatên Şehîdan.

Her wiha pirsgirêkên ku di pêkanîna projeyan de derketin eşkerekirin, ji wan kêmbûna alavan û nehevkariya şêniyan.

Di raporê de plansaziya sala nû hate diyarkirin, ji wan zêdekirina hejmara şaredariyan li gundewarên Minbicê û peydakirina alavan pêwîst û avakirina bajarekê pîşesaziyê.

Beşdaran jî derbarê xebatên hatine pêkanîn nêrînên xwe parve kirin û ji bo demên pêş proje pêşniyar kirin.

Di dawiya civînê de hevserokê Meclisa Rêveber a Rêveberiya Sivîl a Demokratîk a Minbic û gudewarê wê Mihemed Xêr Şêxo diyar kir ku projeyên ku şaredariyê pêk anîne, pir û mezin in, divê mîna van xebatan werin kirin û pêşxistin.

ANHA 

<iframe width="560" height="315" src="https://www.youtube.com/embed/QBOX4ZSgr1s" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>