Şandeyeke Parlamantoya Belçîka bi nûnerên Rêveberiya Xweser re dicive

Vê sibehê, şandeyek ji Parlamentoya Federal a Belçîkayê û nûnerên saziyên civaka sivîl ên Belçîka di dergeha Sêmalka ya sînorî re gihaştin herêmê. Şande niha li navenda Daîreya Têkiliyên Derve ya Rêveberiya Xweser a Bakur û Rojhilatê Sûriyê ya li Qamişlo bi rayedarên Rêveberiya Xweser re dicive.

Li gorî agahiyên ku nûçegihanê me dane, şande ji endamên Parlamentoya Federal a Belçîkayê George Dalmani û Queen Mesto, rêveberê Komeleya Navneteweyî ya qurbaniyên terorê Philip Vanstatekiste, endamê komeleyê Rudy Malak û rêveberê Saziya Child Focus a piştgirî û parastina zarokên wenda, revandî û qurbaniyên destdirêjiya cinsî Heidi De Paolo, pêk tê.

Şande li avahiya Daîreya Têkiliyên Derve ya Rêveberiya Xweser ji hêla hevserokê Daîreya Têkiliyên Derve ya Rêveberiya Xweser a Bakur û Rojhilatê Sûriyê Ebdulkerîm Omer, cîgirê wî Fener El-Kiêt û nûnera Rêveberiya Xweser li Ewropayê Mizgîn Ehmed ve hate pêşwazîkirin.

Di van kêliyan de di navbera her du aliyan de civîneke li çapemeniyê girtî, li dar dikeve.

Ev serdana duyemîn a hikumeta Belçîkayê ji herêmên Bakur û Rojhilatê Sûriyê re ye, ku beriya niha jî şandeyeke belçîkî tevî rojnamevanên belçîkî di 23`ê Sibata îsal de serdana herêmê kiribû.

(şx)

ANHA