Qetilkirina jinan li Dirbêsiyê hate şermezarkirin

Yekitiya Jinên Ciwan a navçeya Dirbêsiyê ya kantona Hesekê ji bo şermezarkirina kuştina jinan û tundiya li dijî wan tê meşand meşek li dar xist.

Meşa ku bi sedan kes beşdar bibûn, ji ber avahiya navenda Tevgera Ciwanên Şoreşger a Sûriyê dest pê kir û li kolanên sereke yên navçeyê dewam kir.

Di meşê de diruşmeyên "Qetilkirina jinan rawestînin" û "Jin jiyan e" hatin qîrkirin.

Meş li ber navenda Kongreya Star rawestiya. Bi navê Yekitiya Jinên Ciwan, Emel Mîrzo axivî û got: "Jin qurbaniya zihniyeta baviksalarî ye ya ku ser civakan hatiye ferzkirin. Qetilkirina jinan bi navê şeref û adetan maf û azadiya jinan ji dest bir."

Emel her wiha diyar kir ku qetilkirina jinan sûcekî herî hovane divê were şeremzarkirin û rawestandin. Emel bang li hemû jinan kir ku binpêkirinên li dijî jinan rawestîne

Di dawiya meşê de, diruşmeyên "Jin, jiyan, azadî" hatin berzkirin.

ANHA

<iframe width="560" height="315" src="https://www.youtube.com/embed/JLby4GfLAjg" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>