Dagirkirina zeviyan rolek di alozkirina aboriya herêmê de lîst

Çandiniya havîn û zivistanê wek girîngtirîn jêderên aborî li herêma Cizîrê li Bakur û Rojhilatê Sûriyê û herêmên din ên Sûriyê tê hesibandin.

Lê piştî ku dewleta Tirk a dagirker û çeteyên wê herêmên Serêkaniyê, Girê Spî û herêmên li nêzî Til Temir û Zirganê, dagir kirin, rûberên fireh ji zeviyên şêniyan ketin bin kontrola dagirkeran.

LI GUNDEWARÊ TIL TEMIRÊ 50 HEZAR DOMIN ZEVÎ HATIN DAGIRKIRIN

Li gorî endamê rêveber ê Komîteya Aborî ya Meclisa navçeya Til Temirê Dildar Yusif, dewleta Tirk a dagirker û çeteyên wê zêdetirî 50 hezar donim zevî li gundewarê Til Temirê dagir kirine.

Dagirkeriya Tirk nehişt cotkar û şênî zeviyên xwe biçînin. Ev jî zirarek mezin gihand şêniyan û aboriya herêmê bi giştî ji ber ku şêniyên herêmê bi awayekî sereke debara xwe bi çandiniyê peyda dikin.

20 HEZAR DONIM HAT ŞEWITANDIN

Sûcên artêşa Tirk a dagirker û çeteyên wê di dagirkirina zeviyan û nehiştina şêniyan ji bo ku zeviyên xwe biçînin de sînordar nema. Dagirkeriyê zeviyên genim û ceh şewitandin.

Dildar Yusif destnîşan kir ku artêşa Tirk a dagirker û çeteyên wê agir bi 20 hezar donim zeviyên navçeyên Til Temir û Zirganê xistin.

Her wiha rê neda şêniyan û tîmên agirkujiyê ji bo ku şewatan vemirînin û her kesê ku nêzî wan zeviyan dibû, bi guleyan kirin hedef.

TALANKIRINA HILBERÎNÊ Û ŞANDINA WÊ JI TIRKIYÊ RE

Yusif îşaretpê kir ku artêşa Tirk a dagirker û çeteyên wê bi zanabûn hilberînên şêniyên herêmê talan kirin û bi hinceta tunebûna navendên wergirtin û kirîna hilberînan ji Tirkiyê re rêkirin.

Di vî warî de Dildar Yusif got: “Dagirkeran di qut û rizqê şêniyan kirin hedef. Evê yekê bi awayekî neyînî bandor li şêniyan û aboriya herêmê kir.”

(şx)

ANHA

<iframe width="560" height="315" src="https://www.youtube.com/embed/jw-gWGe50aw" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>