Li Şedadê turnuvayê dest pê kir

Yekitiya Mamosteyan li gerînendeya Şedadê turnuvaya bi beşdariya ji 12 tîman ji navçeya Şedadê, gundewarên wê weke Herîrî, Ebdan, Cermiz û Ebû Faris pêk tê, li dar xist.

Turnuvaya ku dê 10 rojan berdewam bike, bi maça tîma Herîrî û Şedadê dest pê kir û bi serketina 3 golan a tîma Herîrî bi dawî bû.

Endamê Yekitiya Mamosteyan ê gerînendeya Şedadê, Elî Cerad bal kişand ser girîngiya kifşkirina behreyên nû yên mamosteyên navçeyê û bilindkirina moralê mamosteyan. Cerad anî ziman ku turnuva dê 10 rojan dewam bike, di dawiyê de dê tîma serkeftî, baştirîn lîstikvan, baştirîn pasdar û tîma di asta duyemîn de  werin hilbijartin.

Cerad got ji bo hilbijartina baştirîn lîstikvanî dê komîteya çavdêriya lîstikvanan hebe û dê tîma beşdarî turnuvayên herêma Cizîrê bibe, were avakirin.

Her wiha mamoste Ehmed Weys axivî û got: "Mîna van turnuvayan asta bedenî ya mamosteyan bilind dike."

Weys di dawiya axaftina xwe de hêviya avakirina turnuvayên basketbolê, kişik û lîstikên din kir.

(eh)

ANHA

<iframe width="560" height="315" src="https://www.youtube.com/embed/cgW0r0nSFz8" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>