Êrişên artêşa Tirk ji proseya perwerdê re nebûn kelem

Tevî êrişên artêşa Tirk ên li dijî herêmên Bakur û Rojhilatê Sûriyê, proseya perwerdê berdewam e û pêşketin bi xwe anî. Lewma sala 2019-2020`an  tevî ku êrişên artêşa Tirk biratiya gelan dikir armanc, da ku çand û zimanê pêkhateyan derbe bike, saleke serkeftî bû.

Navçeya Dirbêsiyê ya kantona Hesekê ji herêmên nêzî sînorê Sûriyê-Tirkiyê ye û 75 km dûrî bajarê Hesekê ye. Navçeya Dirbêsiyê beriya çend mehan rastî êrişên artêşa Tirk hat. Li navçeya Dirbêsiyê pêkhateyên Kurd, Ereb û Suryaniyên bihev re dijîn. Her pêkhateyek bi zimanê dayîka xwe perwerde dibe.

Hejmara dibistanên li navçeya Dirbêsiyê û gundewarên wê 125 dibistan e û 13 dibistan li hundirê navçeyê ne. Hejmara xwendekaran bi giştî 8 hezar xwendekar in. Hejmara xwendekarên qonaxa seretayî yên ku bi zimanê Kurdî fêr dibin 3 hezar û 800 xwendekar in. Hejmara xwendekarên bi zimanê Erebî perwerde dibin 2 hezar û 277 in. Her wiha xwendekarên qonaxa navîn ên ku bi zimanê Kurdî fêr dibin 990 xwendekar in û yên Ereb jî 369 xwendekar in. Hejmara xwendekarên qonxaxa amedeyî 416 xwendekar bi zimanê Kurdî fêr dibin û 72 xwendekar jî bi zimanê Erebî fêr dibin. Hejmara mamosteyan jî hezar û 50 mamote ye.

Li navçeya Dirbêsiyê di demsala havînê de hemû mamoste di perwerdeya avakirina mamosteyan re derbas dibin, da ku proseya perwerdê baş fêr bibin û paşê xwendekaran baş perwerde bikin.

Li herêmên Bakur û Rojhilatê Sûriyê ji beriya çand salan xwendekar li şûna ezmûnên dawî li ser bingeha nirxandinan têne taqîbkirin. Li ser vî esasî asta serkeftin û binketina xwendekaran diyar dibe, li gel vê yekê xwendekar li gorî saetên dewamkirina li dibistanê, reftar û beşdarbûna ji waneyan re têne nirxandin.

Rêveberan ji ajnasa me re diyar kirin ku piştî bi pisporên Desteya Perwerdê yên herêmên Bakur û Rojhilatê Sûriyê sîstema nirxandinan hate nîqaşkirin, ev gav hate avêtin.

Rêvebera Komîteya Rêvebirina Dibistanan a navçeya Dirbêsiyê Ezîza Emîn anî ziman ku perwerde ji bo pêşketina civakê girîng e.

Ezîza bal kişand ser rewşa perwerdeyê li gelê êrişên artêşa Tirk a dagirker û çeteyên wê û got: "Arêtşa Tirk rasterast dibistan dikirin armanc, lewma li navçeya Dirbêsiyê çend rojan dibistan hatin girtin, lê paşê me dema qonaxa yekemîn dirêjtir kir."

(eh)

ANHA

<iframe width="560" height="315" src="https://www.youtube.com/embed/roNanoJBNPE" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>